June 1, 2025 (Pathianni zing) Dar 1:00 bawr vela ruahsur nasa takin BCM Biak In Serchhip thlang nasa taka leimin in a tihchhiat chu, August 9, 2025 (Inrinni) khan Pastoral Director Rev. T. Lalsangvunga, Property Director Upa Victor Lalrinawma Sailo, Tv. PC. Lalrinmawia Production Asst. te chuan a hmunah kalin an enfiah.

Bualte leh Ṭhualṭhu khaw inkara lei min nasa tak avanga khualzin tangkhangte chhawmdawlna atan BCM chuan Charity fund aţangin khawtlang hruaitute hnenah thilpek an hlan.

August 9, 2025 ( Inrinni ) khan Council of Churches in Mizoram (CCM) buatsaihin Saitual Kohhran Gospel Centenary Hall, Saitual-ah Seminar neih a ni. he hunah hian CCM member kohhrante aṭangin palai 113 an kalkhâwm thei a ni.

August 17, 2025 (Pathianni) hian BCM Tlangnuam, Aizawl-ah Missionary tirhchhuah a ni dawn. Tirhchhuah inkhawm hi Rev. Joseph Vanlalruata, Director, Mission Department-in a kaihruai ang a, President elect Rev. Prof. R. Zolawma’n tirhchhuahna a nei ang. Rev. R. Lalrintluanga AGS-Mission in thuchah a sawi ang.

MṬKP Youth Centre ram hi Zobawk, Lunglei hmuna awm a ni a. Ramngaw ti chereu lo thei ang ber a ‘Youth Centre” hi din chhoh tum niin, ei rawngbawlna hmun tûr choka sak zawh tawh a ni a, a panna kawng leh chapel awmna hmun tûr ṭhenkhatte pawh Bial leh Unit te ṭhahnemngaihna a zarah laih tawh a ni.

BCM Rorelna sang ber BCM Assembly 2025 rorelna bawhzuiin, BCM Relief & Development Department chuan Environment humhalh kawnga ṬKP Unit tin te tan Environment humhalh Reels insiam siakna a buatsaih dawn a ni.

MTKP Rorel 2025 in kumin hian “Rilru hrisel chungchang inzirtirna” neih ni se tia a lo rel tawh ang Reels Insiamsiak hi buatsaih a ni.

August 2-17,2025 chhung hian BCM Ramzotlang Serkawn te chuan Rbt. Stephen Lalruatfela ( Krista thawhpuitu Team) speaker a hmangin Crusade an hmang mek

August 6-8, 2025 (Nilaini aţanga Zirtawpni) chhung khan Baptist Higher Secondary School Serkawn te chuan BCM Biak In serkawn-ah Gospel meeting an nei. Rbt. Stephen Lalruatfela ( Krista thawhpuitu Team) chu speaker atan hman niin, Speaker hian ‘Nun mamawh chhanna leh In peih thuai rawh’ tih thupui hmangin thuchah a sawi.

August 8-9, 2025 (Zirtawpni zan aţanga Inrinni zan) thleng  hian BCM Choir te chuan BCM Biak In Ramthar Lunglei-ah Retreat an nei a. Retreat Speaker atan Worship Director  Rev. K. Lalnunsanga chu hman a ni. A ni bakah hian Resource person atan:

August 7, 2025 (Ningani) khan BCM Headquarters Office, Meeting Room No 1-ah Revival & Evangelism Committee meeting neih a ni. Meeting-ah hian Team Recognition tharte interview na neih a ni a, Diltu mi sawm pakhat zingah heng mite hi lak an ni.

July 30, 2025 (Nilaini) kha Ṭhalai Kristian Pawl (ṬKP) din champhaphak vawi 74-na a ni a, kumin ṬKP Day thupui chu “Danglam lo ringtu” (Jeremia 17:7-8) tih a ni. ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Unit thenkhat chuan Thlanmual tihfai leh Biak In hnatlan nan hun an hmang. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei . ṬKP Day-ah hian MṬKP aţangin ţawngtai thupui duan sa angin ţawngtai rualna hun hman a ni bawk.

BCM Assembly 2025-in a lo rel tawh ‘Awmni khama ţawngţai’ tih bawhzuina kal zelah Administrative Committee chuan September 6, 2025 (Inrinni) hian neih nise, worship dept. in ţawngtai thupui pawh lo bawhzui se a tih angin tunah hian tualchhuang kohhran tinah tawngtai thupui thawn chhuah mek a ni.

July 30, 2025 (Nilaini) hi Ṭhalai Kristian Pawl (ṬKP) din champhaphak vawi 74-na a ni . Kumin ṬKP Day thupui chu “Danglam lo ringtu” (Jeremia 17:7-8) tih a ni ang. ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei ţhin a ni.

July 19-20, 2025 (Inrinni leh Pathiannni) khan ṬKP Electric Pastor Bial Lunglei te chuan plan-a an neih angin Bial Meet leh Sports hun an hmang. July 19, 2025 (Inrinni) chhunah K. Liantawna Hall-ah sports item hrang hrang hmangin inelna an nei a. Zan lamah BCM Biak In, Electric Vengah meet an hmang bawk. July ni 20, 2025 (Pathianni) nilengin meet hi an hmang chhunzawm a ni.