April 13, 2025 (Pathianni) hi Kohhran ni pawimawh – Tumkau Pathianni (Palm Sunday) a ni a. He Ni hi khawvel pumah Kristiante chuan urhsun takin an hmang thin a. Mizoram Baptist Kohhran pawhin Kohhran Nipawimawh zingah telhin urhsun takin kan hmang thin a ni. Kumin Tumkau Pathianni thupui chu ‘I thinlungah Krista chu Lalah ruat rawh u'. (I Petera 3:15) a ni ang.
April 10, 2025 (Ningani) Chawhma dar 11;00 khan Shalom Mission Vengthlang Biak In chu Bialtu Pastor Rev. V. Laltlanzuala Bialtu Pastor, Mission Vengthlang Bial in a hawng a. Inkhawm a kai hruai nghal. Upa JC. Japanruna’n Pathian thuchah a sawi.
BCM hruaitute Charge hlan Inkhawm
April 8, 2025 (Thawhlehni ) chawhnu dar 1:00 khan Mizoram Baptist Kohhran hruaitu-a thlan thar te hnena mawhphurhna (charge) hlanna inkhawm BCM Hall, Serkawn ah neih a ni. Inkhawm hi BCM President Rev. Dr. C. Vanlaldika’n a kaihruai a, hruaitu thar te lawmpuina leh fuihna thutawi a sawi hnuah, charge inhlanna neih a ni
March 31, 2025 khan BCM Biak In Bazar Kikawnah Upa leh rawngbawltu pualin Kohhran chanvo leh enkawlna tih thupuia hmangin seminar neih a ni a. Resource person atan Rev. R. Lalnunzira AGS-Service hman a ni.
March 26, 2025 Chawhnu Dar 1;00 khan BCM Biak In Maranatha Church, Lawngtlai chu hawn a ni. Chairman Elect in a kai hruai a, lawm thusawi tawngtaina a neih zawhin, General Secretary, Rev. Dr. R. Lalbiakliana’n a hawnna leh Pathian hnenah hlanna a neih zawhin Biak In thar hawnna inkhawm neih nghal a ni.
Missionary Pi Malsawmsangi Hnialum, BMS Ngengpuitlang a thawk pasal Pu Lalruatkima, Mualțhuam North chu nimin March 27, 2025 ( Ningani tlai ) khan an bathroom-ah tlusual palhin a boral.
Baptist Church of Mizoram chuan a hnuaia Motor (Vehicle) hi tih ral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang. Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang.
Upa RTC. Lalthangura Baptist English School Zawlnuam-a thawklai chu, March 22, 2025 zan dar 10: 45 khan City Hospital Aizawl-ah a borala, March 23, Pathianni khan Zawlnuamah ropui taka thlahliam a ni ta.
TKP Zohnuai Unit te chuan an din kum 75-na Platinum Jubilee Puala Lunglei Town TKP Volleyball Tournament an buat saih chu Zawh fel a ni ta. Tournament hi March 10, 2025 ah tannin, March 18th, 2025 Thawhlehni zan khan Final Match khelin, closing ceremony pawh neih chhunzawm nghal a ni.
March 13, 2025 (Ningani) Good News Society Board meeting-in a lo rel tawh angin, Good News Society chu BCM hnenah March 21, 2025(Zirtawpni) zan khan hlan fel a ni ta.
Vawiin March 15, 2025 (Inrinni) nileng hian Literature & Printing hnuaia Publication Board in a buatsaih Lunglei khawpui chhunga tualchhung kohhran hrang hrangte atangin mi panga zel literature lama tui mi leh tualchhung kohhran chanchinbu enkawltute pualin BCM Hall, Serkawn ah Literature Workshop neih a ni.
Vawiin April ni 15 (Nilaini)zing dar 9:30 khan Formosa Foundation India chuan Christian Hospital Serkawn hman atan Ventilator a pe. Covid hripuiin min tuam lai pawh khan CHS hi Ventilator pahnih leh Medical equipment chi hrang hrang an lo pe tawh a ni. …
Tun kar Zirtawpni, (April 3, 2026) hi Khawvel puma Kristiante ni pawimawh ber zinga mi "Good Friday" a ni a, (April 5, Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran chuan serhin Good Friday Eve zan atangin Zoram pumah Kohhran hote’n Good Friday programme an hmang dawn a ni. Pathianni-ah Easter Sunday programme hman a ni leh ang. Hemi a nih avang hian kohhrana thawktute pawh April 2–6 chhung Good Friday leh Easter chawlh an hmang dawn a, hemi hun chhung hian Hqrs Office dawr theih a ni dawn lo a ni. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..
