October 31, 2023 (Thawhlehni) zan khan Mizoram Ṭhalai Kristian Pawl rorelna in 'Mizoramah tun aia rorelna dik a awm theih nan hma lak ni rawh se' ti a a rel umzuina 'Rorelna Dik Awareness' video clip pathum MTKP in a buatsaih chu BCM Hall, Headquarters Office, Serkawn ah Pathian hnena hlanna leh tlangzarhna neih a ni.

October 30, 2023 (Thawhtanni) chawhma dar 11:00 khan Hqrs.Office, Committee Room No.1 ah Education Department Committee Meeting neih a ni a. President - Rev. KV Thanga’n meeting a kaihruai a, AGS-Service Rev. R. Lalnunzira’n Department report tlangpui pe-in, Rev. L. Vanlalsanga, Director Education Department-in zirna in hrang hrang dinhmun a tarlang bawk.

Nimin, October 30, 2023 (Thawhtan) tlai khan Mizo Theological Association (MTA) chuan karleh lawk, November ni7-a Mizoram Legislative Assembly inthlanpui lo awm tur atana mizoram mipui te hnena 'inthlan thuchah sawm' a tichhuak a.

October 28-29, 2023 chhung khan “Tho la, i Pathian ko rawh” (Jona 1:6) thupui-ah hmangin, Lawngtlai Area BKHP Meet vawi 1-na chu  BCM Biak In, Bazarveng, Lawngtlai-ah neih a ni a. Speaker-ah Rev. Dr. H. Lalthlamuana, Executive Secretary, Lawngtlai hman a ni.

October 29, 2023 (Pathianni) chawhnu dar 2:30 khan BCM hnuaia thawktu thi te ralna dan (Workers Condolence Scheme) hmanga tih thin angin, Rev. Pc. Lalsanglura, Hrangchalkawn Bial enkawltu, October 11, 2023-a chatuan ram pan ta chu ral a ni.

Tunkar thawhlehni atanga zirtawpni khan Assembly hnuaia Committee hrang hrang pali - Relief & Develoment Deparmtent Committee, Christian Education Committee, Communications Deparmtent leh Fellowship Department te Headquarters Office Committee Room No. 1 ah an thukhawm. Committee hrang hrang Report leh thurel tlangpui hetiang hi a ni.

October 27, 2023 (Zirtawpni) chawhma dar 11:00 khan Sap Upa leh Pu Buanga Hall, BCM Office, Serkawn-ah R&D tirha General Nursing & Midwifery, Christian Medical Centre, Pithapuram, Andra Pradesh-a zir tur mi panga te ko khawmin an hriat tur tul pawimawh hrang hrang kawhhmuhna (Orientation Programme) buatsaih a ni.

Mizoram Baptist Kohhran, Pastoral Department leh AICS tangkawpin an buatsaih thin Pastor Refresher Course chu October 26 atanga tanin, November 9, 2023 thleng AICS ah neih a ni leh ta a. Tun tuma Pastor Refreshers Course nei tura Bialtu pastor thlan chhuah te chu hengte hi an ni.

October ni 25, 2023 khan Baptist English School, Serkawn leh BES Extension, Falkawn-a thawktute chuan Rev. Dr. H. Lalthlamuana, Executive Secretary, Lawngtlai Area speaker-a hmangin Arthington Hall, BES, Serkawn-ah intuaitharna (Retreat) an nei. Retreat hi Session hnih-ah then niin, chawhma session-ah – Zirtirtu leh kohhrana thawktute mawhphurhna hrang hrang leh awm dan tur zirho a ni a. Session hnihna, chawhnu lamah – Thawhhona chungchang leh Sam 73-na zirho a ni.

Higher and Technical Institute, Mizoram (HATIM) chuan hma sawn ve zelin, tun hnai khan HATIM-a Department pali - English, Philosophy, Social Work leh History te chuan Mizoram University (MZU) hnuaia Permanent Affiliation an nei thar.  Heng department permanent affiliation hmu thar te bakah hian a hma-in deparmtent pahnih – BCA leh B.Com te chuan affiliation hi lo nei tawhin, tun dinhmunah HATIM a Department hrang hrang pariat zinga paruk-in permanent affiliation hi an nei ta  ni.

October 21, 2023 (Inrinni) khan Serkawn Kohhran chuan Baptist English School kawt zawlah Kum lama Upate pualin hun an hmang a. He hunah hian Serkawn Kohhran huamchhunga kum 70 chunglam mi 66 atangin mi 48 an kal khawm a ni.

October 22 Pathianni khan Hrangchalkawn Pastor Bial enkawltu – Bialtu Pastor atana Administrative Committee in a ruat  - Rev. Lalrammuana Poonte lakluhna leh Lawmna Inkhawm, BCM Biak In, Hrangchalkawnah neih a ni a. Rev. Vanlalmuankima, Director, Pastoral Department-in inkhawm a kaihruai a, Hrangchalkawn Bial Secretary-in Bial hruaitute inhmelhriattirna a neih zawhah, Bial Chairman-in Pastor thar lawmluhna a nei bawk.

October 20-22, 2023 khan Chawngte East Pastor Bial leh Chawngte West pastor Bial BMP te chuan bial Inkhawmpui an nei a. Chawngte East Bial chuan BCM Biak In, Chawngte ‘P’ ah ‘Pa dinhmun leh mawhphurhna” tih thupuia hmangin Inkhawmpui hi an nei a. Speaker-ah Rev. H. Lalfakzuala, MBMP Secretary an hmang.

Aizawl Area TKP buatsaihin Aizawl Area huam chunga Bial TKP hrang hrang huapa Bible Quiz buatsaih chu, October 20, 2023 (Zirtawp zan) khan Final inelna neih a ni a, hemi zan hian lawmman sem nghal a ni. Intihsiakna hi October 12 & 13 khan BCM City Church, Kohhran Hall-ah neih a lo ni tawh a, Quiz Master - Tv. Vanlalruata, ni in Aizawl Area huam chhunga Bial TKP -12 te inelna ah hian an tel.

Baptist Youth Fellowship India (BYFI) buatsaih - National Baptist Youth Conference 2023 chu October 19-22, 2023 chhung khan Centenary Baptist Church, Secunderabad, Telangana ah neih a ni a, thupui atan Philippi 1:21 behchhanin "Living Christ in India today" tih hman a ni.