November 17-19, 2023 hmang hian Asia Pacific Baptist Federation (APBF) kum 50-na (Golden Jubilee) lawmna International Baptist Church, Singapore-ah neih mek a ni a. Golden Jubilee thupui-ah “Imagine the Future Together” tih chu hman a ni

November 12 (Pathinni) chawhnu dar 1:30 khan BCM Central Church Kohhran Hall-ah Mizoram BMP Media Cell buatsaihin Media Campaign neih a ni a. Aizawl khawpui chhunga Bial leh Unit aiawh mi 70 chuang zet an kal khawm a ni.

November 11, 2023 (inrinni) khan Mizoram Baptist Kohhran leh Asia Pacific Baptist Aid te bul tumin Thaizawl Refugee Camp-ah Medical Camp hi buatsaih a ni a. R&D Department leh Medical & Health Department-te tang tlanga buatsaih niin, R & D lam atangin Rev. L. Vanlalsanga Director  leh Pu Lalrinawma, Coordinator  ten an telpui a ni.

November 12, 2023 (Pathianni) chhun dar 12:15 khan Paalanaa Bhavan, Nandi Durga Road, Benson Town, Bangalore ah BCM Bengalore hawnna inkhawm neih a ni a.  Inkhawm hi Rev. Dr. R. Zolawma’n kaihruaiin, General Secretary Rev. R. Lalbiakliana’n kohhran thar hi hawngin Rev. R. Lalrintluanga, Executive Secretary Aizawl in kohhran thar Pathian hnena hlanna a nei a.  AGS (Service) Rev. R. Lalnunzira’n Pathiin thuchah sawiin, Tv. Jonathan Lianhna leh Nl. Lalnunmawii Renthlei ten zaia rawngbawlna an nei.

Ruihhlo ṭhatlohzia Inzirtirna chungchanga MṬKP hmalakna chu Unit leh Bial hrang hrangin theihtawp chhuaha an umzui bakah Sub-Committee lam pawhin hma an la zui zel a ni a. Hemi puala hmalakna pakhat atan Ruihhlo ṭhatlohzia Inzirtirna Film tur pawh Shooting neih mek a ni.

BCM Shalom, Mission Vengthlang te chuan Manipur buaina avanga harsatna tawk mek, zohnahthlakte tanpui nan kohhran commiittee chuan kohhran chhungah tanpuina bawm an dawh bakah thawmhnaw hlui thawh khawm hun an siam a. Kohhran member te sum an thawh tling khawm bakah kohhran relief sum atangin cheng Nuai khat (Rs 1,00,000) hman an remti bawk. Heng atang hian ei tur  buhfai bag 50 leh Dal - Bag 1 lei a ni a,  kohhran member te pek khawm Thawmhnaw - bag 60 an keng tel bawk.

November 4, 2023 (Inrinni) khan Baptist Mipa Pawl, Luangmual Pastor Bial, Aizawl te chuan BCM Biak In, Ainawn-ah Bial BMP Rorel an nei a. Rorel hi zing dar 10:00 an tanin nilengin hun an hmang a. Tun tum rorel-ah hian Unit hrang hrang atanga thu ngaihtuah tura an rawn thlen bakah Bial BMP term thar 2024-2026 atana hruaitu tur an thlang bawk.

November 6, 2023 (Thawhtanni) kha Baptist World Alliance- Hmeichhia te Tawngtai Ni (BWA Womens’ Day of Prayer) a ni a. He ni hi kum tinin November Thawhtanni hmasa berah hman thin a ni.  Kumin BWA Hmeichhe Tawngtai Ni thupui atan hian “Nunna Thaw” (Joba 33:4) tih chu hman a ni. Mizoram Baptist Kohhran Hmeichhe Pawl (MBKHP) pawhin chawhma dar 10:00 atangin BKHP member ten mahni Unit theuhah Tawngtaina hun hi an hmang a ni.

November ni 5 (Pathinni chawhnu) khan Diltlang Pastor Bial chuan BCM Biak In, BCM Diltlang-ah Bial huap Sunday School Training leh Seminar an nei a. Resource Person-ah Upa R. Lalhmingmawi leh Upa C.Lalremsiama, Sunday School  Trainer te an hmang. Training-ah hian Sunday School Zirtirtu 70 vel an kal khawm a ni.  Pathianni zing leh Pathianni zanah te- Kohhran hrang hrangah hun hmangin Sunday School Campaign a nei nghal bawk

November ni 5, 2023 kha khawvel Sunday School Ni a ni a, he Ni hi Mizoram Baptist Kohhran chuan Pathianni zing inkhawm ah thupui thlansa “Pathian thu nung, thiltithei” (Heb. 4:12) hmangin urhsun takin hman a ni. Hemi ni hian Sunday School lamah pawh Khawvel Sunday School Ni puala zir tur buatsaih chu zir a ni bawk.

November 4, 2023 (Inrinni) nileng khan Communications Department buatsaih-in Lawngtlai khawpui leh a chhehvel-a Pastor Bial leh Tualchhung Kohhran Chanchinbu leh Media Cell enkawltu te  pualin “Kristian Communications Worskshop”, BCM Nazareth, Councilveng, Lawngtlai-ah neih a ni a. He hunah hian Resource person te nen mi 65 zet an kalkhawm a ni.

November ni 4, 2023 khan ṬKP Zotlang Pastor Bial, Lunglei leh TKP Aizawl East Pastor Bial te chuan MTKP hmalakna bawhzuiin Blood Donation Camp an buatsaih a, Bial pahnihte thisen pek hi Unit 56 a ni.

Manipur buaina avanga zohnahthlak tam tak, Mizorama raltlana awm te tlawh leh chhawmdawlna a pek thawh nga-na atan November 2, 2023 khan Khawruhlian-ah BCM R&D Relief Team te an kal a. Tun tumah hian Rev. L. Vanlalsanga, Director hovin Nl. Remsengpuii leh Pu Lalhriatpuia te an kal a, tanpuina cheng nuai 2 man – Bufai, Alu, Dal, Chini leh nitin mamawh hrang hrang te an keng a ni.

BCM Relief & Development Department Seat-a Christian Medical Centre,  Pithapuram, Andra Pradesh a General Nursing & Midmifery (GNM) zir tur mi 5 te chu an zirna kaihhnawih pawimawh hrang hrang kawhmuhna (Orientation) hman pui an nih hnuah October 31, 2023 khan anmahni hruaitu Relief & Development thawktu Pu Lalrinawma, Coordinator leh Nl. T. Lalfawnveli, Asst.Coordinator te nen Lunglei chhuahsanin, November 2 khan Pithapuram, Andra Pradesh an thleng thla.

Baptist Church of Mizoram, Pastoral Committee Meeting No. 170-na, November 2 & 3, 2023- a neih chuan Baptist Church of Mizoram hnuaia Pastor hna thawk tur mi 5 a la thar a, a hnuaia hming tarlante hi an ni.