Kum 2023 MTKP Rorel-in Plan-a a dah leh MTKP-in kumin chhunga inzirtir uar tura a ruahman - Zu leh ruihhlo that lo zia te, Intodelh inzirtirna te, Tuihna humhalh leh TKP te mawhphurhna chungchang-ah te, Rilru Hrisel neihna tura inzirtirna te chu kawng hrang hranginneih chhoh mek a ni a, hemi atan hian Bial, Area leh MTKP huaihawtin Awareness Campaign leh Seminar te neih thin a ni. Tunkar leh kar liam ta chhung khan hemi kawnga hmalakna hi hetiang hian neih a ni.

TKP Hauruang Pastor Bial buatsaihin, June 17 (Inrini) khan BCM Biak In, Immanuel, Hauruangah Zu leh Ruihhlo that loh zia inzirtirna (Awareness Campaign) an nei a. Rev. Lalremsiama Fanai, Manager, Baptist Counseling Centre chu zirtirna petu ah hmangin, Rev. L. Vanlalsanga, Director, Social Concern Department pawhin he hun hi a hmanpui bawk.

June 16, 2023(Zirtawpni) khan Mizoram Baptist Kohhran Hmeichhe Pawl (MBKHP) Grace Society leh MSACS te chuan MSACS Office Ramhlun ‘N’ Aizawl-ah  MBKHP - Grace Society Drop - In Centre kaltlanga HIV/AIDS darh zau zel tur venna kawnga thawhdunna thuthlung kal mek chu kum 2023 - 24 chhung atana pawt sei in, an ziak thar. Grace Society Chariman, Pi H. Lalkimi, Vice President, MBKHP leh Pi Lalnunzami Chawngthu, Secretary, Grace Society te kalin Board aiawhin hming an ziak a ni.

Vawiin June 21 (Nilaini) 2023 chawhma dar 10:00 khan 'BMP Aw' Tlangzarhna inkhawm BCM Hall, Headquaretyrs Office Serkawn-ah neih a ni a. Rev. H. Lalfakzuala, Secretary, MBMP-in kaihruaiin, MBMP Inkhawmpui Rorel 2023-in MBMP Chanchinbu buatsaih ni se ti a a rel bawhzuina kal zela Chanchinbu buatsaih tura hmalakna hrang hrang te tarlang in, Editorial Board te hmelhriattirna te a neih hnu-ah Rev. Dr. R. Lalthanmawia AGS-Mission in Mizoram BMP chanchinbu ‘BMP Aw’ hi tlangzarh.

Tunkar Pathianni June 18, 2023 hi Mizoram Baptist Kohhran Ni pawimawh “Relief Sunday” a ni a. He Ni hi Mizoram Baptist, Tualchhung Kohhran tinah hman a ni ang.  Kumin Relief Sunday thupui chu “nangmahni’n ei tur pe rawh u’ (Luka 9:13) tih a ni ang. Relief Sunday-ah hian Pathianni zing inkhawmah Headquarters leh Tualchung Kohhran Relief rawngbawlna chanchin report leh thupui thlan sa hmangin thuchah ngaihthlak a ni ang.

Higher and Technical Institute, Mizoram (HATIM) chuan June 13, 2023 (Thawhlehni) khan kum 2020-2023 Batch zirlaite chawimawina leh thlahna hun, Valedictory Ceremony vawi 14-na a hmang a, Rev. R. Lalnunzira, AGS (Service), BCM chu khuallian a ni. Zirlai nu leh pa leh sawmbik te nen mi 290 chuang he programme-ah hian an tel a ni.

June 10, 2023 (Inrinni) khan Mizoram baptist Kohhran, Chhipphir North Biak In sak thar chu Rev. R. Lalbiakliana, General Secretary-in a hawng. Biak In thar hawnna Inkhawm hi Rev. N. Vanlalzuia, Bialtu Pastor, Chhipphir Pastor Bialin a kaihruai a, General Secretary-in Kohhran thar leh Biak In thar a hawn hnu-ah  Tualchhung Kohhran Building Secretary-in Biak In thar sak dan report tlangpui a pe. BCM Choir, BCM Chhiphhir leh Chhipphir North Kohhran Zaipawl bakah Nl. Lalchhanchhuahi ten Pathian fakana hla an sa bawk.

BCM Assembly-in Sikkim Mission Field thar hawn tura a rel ang leh Mission Department-in ruahmanna a siam angin June 11, 2023 (Pathianni) khan Sikkim Mission Field chu Rev. Dr. R. Lalthanmawia, AGS-Mission chuan a hawng ta..

June 9, 2023 (Zirtawpni) kha International Archives Day vawi 75-na a ni a. Hemi Ni denchhen hian Mizoram Sorkar, Art & Culture Department chuan 'Archives kal phung leh a pawimawhna' tih thupui hmangin Archives Hall Babu tlang Aizawlah Seminar neih a ni a, Archives nei - Sorkar leh Kohhran leh mimal sawm bik mi 20 telin, BCM Archivist - Upa MS Dawngliana pawh tel tura sawm a nih angin a tel. Seminar-ah hian Mithiam te buatsaih paper zirhona leh sawi hona hun tha tak hman a ni a, Archives and Library hmanga tha zawk a hna thawh dan te leh thawh hona tur kawng te sawi ho a ni...

June 9, 2023 (Zirtawpni) khan Pastors' Manual chu General Secretary Rev. R. Lalbiakliana’n a tlangzarh. Lehkhabu tlangzarhna hi BCM Hqrs. Office, Devotions hman zawhah neih chhunzawm a ni a. Rev. Vanlalmuankima, Pastoral Department Director-in kaihruaiin, Pastors' Manual buatsaih anih dan leh a chhunga thu awm te a sawifiah bawk. He hunah hian Hqrs. Office-a thawktute bakah Lunglei khaw chhunga Bialtu Pastor te an tel a ni.

June 9 -11  hmang khan BKHP Buarpui 'S' Bial chuan BCM Biak In,  Immanuel, Buarpui ah  'Rinawmna' tih thupui hmangin Seminar an nei a. Rbt. H. Lalkimi, Vice President, MBKHP chu speaker niin, MBKHP  Executive comtt. member pahnih Pi. Zothanbuang leh Pi. R. Lalnunziri te chu Seminar Resource person-ah hman an ni.

June 11, 2023 (Pathianni) hmang khan Thalai Kristian Pawl Central Pastor Bial , Aizawl chuan BCM Biak In, Falkawn-ah Zaikutpui an buatsaih a. Zing dar Dar 10:00 Inkhawm tanin, Pu F. Lalramchhana, Bial TKP President-in inkhawm kaihruai a, Bial TKP Secrcetary hnen atangin bial report tlangpui ngaihthlak a ni a. Aizawl Area Baptist Choir, Central Pastor Bial Zaipawl, Central Church leh City Church Zaipawl ten fakna hla remin Falkawn Unit Group zai, BIB Trio, Bethel Unit, Nl. Vnanlalruati Ralte leh Nl. Zoramhmangaihzuali ten fakna hla an sa bawk. Rev. K. Lalnunsanga, Bialtu pastor-in thuchahsawiin, Bial TKP buatsaih Bible ralchhan lawmman sem a ni bawk.

Mizoram Baptist Kohhran, Headquarters Office, Serkawn Lunglei-a thawk lai, Tv. Lalruatkima Fanai (Papuia) LDC, Property Department-a thawk mek chu Vawiin, June 8, 2023 (Ningani) chawhnu dar 1:45 khan Christian Hopital, Serkawn-ah Internal Bleeding avangin chatuan ram min san san ta.

Manipur buaina avanga zohnahthlak tam tak, raltlana awm te tlawh leh chhawmdawlna te pe turin BCM Relief Team te an kal. BCM Relief Team te hi Rev. L. Vanlalsanga, Director-in kaihruaiin, Pu Lalrinawma, Coordinator, R&D, Pu B. Malsawmkima leh Pu H. Lalrinpuia, BCM Hqrs.Office-a thawktute an ni. June ni 5 khan BCM Hqrs. Serkawn chhuahsanin Aizawl-ah an riak a, Aizawlah hain tanpuina tur mamawh te an lam khawm nghal a. June 6 (Nilaini) zing-ah Aizawl, Falkland-ah Executive Secrcetary - Rev. R. Lalrintluanga’n Tawngtaina neiin, Kohhran hoten an vai liam ta a ni.

MBKHP-in Kum 2023-2024 Plan-a an dah -  Tlawhkhat Bial tlawh ni se tih bawhzuina kal zelah June 3-4 hmang khan Khawruhlian Pastor Bial tlawhin  MBKHP hruaitute  chu Pi V.Biaklawmi, Asst.Secretary leh Executive committee member pahnih Pi P.C.Roduhawmi leh Pi V.Lalnunziri , te an kal.