September 2, 2023 (Inrinni) khan ṬKP Pangzawl Pastor Bial te chuan MṬKP Blood Donation calendar zul zui in, BCM Ramrikawn Kohhran Hall ah thisen unit 45 an pe a. Thisen hi Christian Hospital Serkawn, Blood Bank a thawktuten a hmun ah kal chilhin an la a ni.  Thisen petute hi mipa 40 leh hmeichhia 5 an ni. Thisen petute zingah hian ṬKP member bakah SAY leh PYD member pathum (3) an tel bawk a ni.

September 1, 2023 (Zirtawpni) khan 'Foundation for Drug-Free, Mizoram' hruaitu mi 10 te chuan BCM Headquarters Office tlawhin General Secretary charge la lai Rev. R. Lalnunzira, AGS – Service leh Department hruaitu ten lo dawngsawngin, Hqrs. Office Committee Room-ah inkawmhona an nei.

Zotlang  Pastor Bial BKHP, Aizawl te chuan Pastor Bial Rorel 2023 bawhzuina in August ni 30 khan AICS ah lehkhabu dahna (Book Shleves) pahnih an hlan a. Bial BKHP Office Bearers te bak ah Senior Advisers te leh Bialtu Pastor leh Pro-Pastor te AICS ah kal in thilpek hi an hlan a, AICS aiawhin Rev. Dr. C. Vanlaldika, Principal in thilpek hi a lo dawng a ni.

Aug 26-27, 2023 khan BCM Shillong chuan 'I puan in hmun chu zauh rawh' tih thupuia hmang in Mission Convention an nei a, Speaker ah Rev PC Lalnunzira, Regional Director, Guwahati Region an hmang.

August 30, 2023 chawhnu dar 1:00  khan Area Development Working Committee, Aizawl chu Executive Secretary Office, Baptist House-ah an thu khawm a, Committee member 20 atangin member18 an kal. Chairman Rev. C. Lalhungliana'n meeting a kaihruai a, Rev. R. Lalrintluanga Secretary hnen atangin report ngaihthlak a ni.

August 26 leh 27 (Inrinni leh Pathianni) hmang khan Thalai Kristian pawl, Hnahthial North Pastor Bial chuan BCM Biak in electric ah ‘Tunlai Khawvel leh Kristianna” tih thupui hmangin Crusade an nei a. Speaker-ah Tv. V. Zonunsanga, BCM Chanmari Lunglei an hmang.

Aizawl Area Baptist Choir 2022-2025 hun hmang mek te chuan an zai video palina "Ka Thlarau Hualhimtu" tih chu Baptist House, Aizawl, F.W. Savidge Hall-ah August ni 29 Thawhleh zan khan an tlangzarh a. He tlangzarhna inkhawm hi zaipawl member-te leh Aizawl Area Worship Committee-ten an hmang ho a ni.

August 28, 2023 (Thawhtanni zan) khan Evangelical Cell hmalakna in ṬKP Republic Vengthlang Unit chuan Evangelical Night an hmang a,  Speaker ah Jonathan Lianhna hman a ni. Inkhawm hi Nl. Vanlalnghaki, Chairman, Evangelical Cell in a kaihruai a, Tv. Jacob Laltlanzauva, Secretary, Evangelical Cell hnen atangin Report ngaihthlak a ni bawk.

August ni 17,Pathianni hmang khan MBMP hruaitute chuan BMP, Phawngpui North Pastor Bial an tlawh a. President- Rbt Chawngrolura Chawngthu leh Fin.Secretary- Pu Vanlalpeka te bakah Executive Committee member pathum- Pu PC Ramdinliana,  Pu K.Malsawmthanga leh Pu Anthony C.Lalhlimpuia te an kal.

Ṭhalai Kristian Pawl, Pangzawl Pastor Bial chuan Rev. F. Zorinkhuma,  Secretary MṬKP Speaker-a hmangin August 25-27, 2023 chhung khan BCM Biak In, Khuanghlum-ah Bial TKP Meet leh Crusade an nei a. Speaker hi Pu Lalrammuana Sailo MTKP Executive Committee member-in tawiawmin, Nl. H. Lalhmangaihsangi'n zai a rawngbawlna nei in a hmanpui bawk.

August 25-27 chhung khan Pastor Bial hrang hrang panga ah hetiang hian KNP Inkhawmpui an nei.

August 26 leh 27 hmang khan Tawipui Pastor Bial chuan BCM Biak In, Tawipui North – II ah Bial huap Sunday School Training leh Seminar an nei a. Resource Person-ah Rev. ZD Rodingliana, Director, Christian Education Department leh Upa Lalmuanawma Sailo, Sunday School  Trainer te an hmang.

Mizoram Baptist Kohhran, Relief and Development Department, chuan kum 2023 – 2027 Batch atan General Nursing & Midwifery, Christian Medical Centre Pithapuram, Andra Pradesh-a zir tur mi panga a la thar a, heng Nurse zir tura lak tharte hian thil tul te an tihfel hnu-ah September thla atangin zirna an tan ang. Chungte chu:-

August 24, 2023 (Ningani) khan BCM Hall Serkawn-ah Ni khat awh Assembly Executive Committee Meeting neih a ni a. Meeting hi Rev. KV Thanga, BCM President-in a kaihruai a, Member te lawmna leh fuihna tawi sawiin, Pathian hnenah meting a hlan a. General Secretary- Rev. R. Lalbiakliana’n Department hrang hrang report te khaikhawmin a pe a, Report atanga zawhna te a chhang nghal bawk. Tun tumah hian Committee member 345 atangin 293 meetingah an tel thei a ni.

August 22, 2023 (Thawhtanni) khan SIRD Conference Hall, Durtlang Aizawlah CASA in Project hrang hrang-a an thawhpui te ko khawmin meeting leh Training an buatsaih a. R&D Department aiawhin Project Incharge Nl. Bethsy Lalhruaizeli leh Kolasib District-a BCM R&D leh IPED Project - People’s Organisation aiawh member pahnih an tel.