Chakma Baptist Kohhran Assembly vawi 10-na in 'Chakma Baptist Kohhran Upa leh Rawngbawltute pual in Retreat leh Seminar neih ni se' ti-a a rel bawhzuiin, October 10 – 12, 2023 khan BCM Biak In, Venglai, Lungsen-ah 'Inthawina nung' (Rom 12:1-2) tih thupui hmangin Retreat leh Seminar neih a ni

October 11, 2023 (Nilaini) khan NSS Unit, Baptist Higher Secondary School Serkawn chuan Christian Hospital Serkawn Blood Bank-a dah turin thisen Unit 37 an pe. Thisen petute hi zirlai mipa - 22 leh hmeichhia -15 an ni a, Blood Bank-a thawktute hian School-ah kal chilhin thisen hi an lak sak a ni.

Mizoram ṬKP Rorel vawi 69-na in, "Mizoramah tun aia rorelna dik a awm theih nan MṬKP hian hma la rawh se" ti a rel bawhzuina atan October ni 8 leh ni 9, 2023 khan MṬKP hruaitute chuan Aizawl khawpuia Political Party hrang hrang Headquarters Office te tlawhin Party hruaitute an kawm.

October 6-9, 2023 chhung khan MBKHP enkawl, Drop-In Centre Lunglei a thawktute pualin Chhawmdawlna In, Serkawn Melte-ah Intuaitharna (Retreat) neih a ni a. Speaker leh Resource Person-ah Nl. Lalremsangi, Missionveng Aizawl hman a ni.

Kumin chhungin ṬKP Bazar Pastor Bial, Lunglei te chuan, Lunglei Civil Hospital tan Bial chhung Unit hrang hrang pali atangin MTKP-in Blood Donation Calendar a siam angin thisen pek hun a kalpui thin a. A hnuhnung ber atan Venglai Unit te chuan October 7, 2023, khan BCM Venglai - Jubilee Hall-ah Blood Donation Camp hi neiin, thisen unit  Unit 27 (Mipa 20 leh Hmeichhia 7) an pe a. Heti hian kumin chhungin thisen Unit 89 (Mipa - 71 leh Hmeichhia - 18) an pe tawh a ni.

Vawiin, October 5, 2023 khan Mizoram Nursing Council chuan General Nursing Midwiferym(GNM) result 2023 a ti chhuak a. Tun tum result tih chhuah-ah hian School of Nursing, Christian Hospital Serkawn chuan result tha tak neiin, an zirlai te atangin mi 9  Top-Ten-ah an lang a ni. Hetiang hi Top Ten-a langte leh an position a ni:-

Director, Medical & Health Department report in a tarlan danin – September 2023 chhungin Christian Hospital Serkawn-ah damlo 2557 in entirin, an zinga 373 admit an ni a, nau piang 41  an awm laiin mitthi 9 an nei thung. Report kimchang hetiang hi a ni:

BCM Gilgal, Theiriat Mission Committee leh BMP member mi 18 te chu Spetember 19-29, 2023 chhung khan Tripura Field-a Garjee Tailoring Centre-ah Class Room tur sain work camp an nei. Class Room hi a chung an chih zo nghal vek a, tukverh leh kawngkhar zawng zawng an vuah kim hman bawk. Class Room hi 30 x 18 ft a liana sak a ni.

September 30 leh October 1 (Inrinni leh Pathianni) hmang khan Arunachal Far East Field –a Missioanry leh an nupui fanau te pualin headquarters Roing DLNBC Compound-ah Retreat ah neih a ni. Speaker-ah Rev R Lalnunzira AGS (Service) hmangin, Retreat Thupui-ah “Hetah hian eng nge i tih”  (I Lalte 19.13) tih chu thupuiah hman a ni. He hunah hian Missionary thawklai te leh an chhungkaw member te an kal kim vek a, an vaiin mi 30 zet an ni.

October 2, 2023khan Boro hnam zinga kan rawngbawlna-a kan thawhpui Bodoland Baptist Church Association te chuan anmahni pual Office thar, Mushalpur-a sak chu hawn a ni. Regional Director Rev. PC Lalnunzira'n Office hawnna leh Pathian hnena hlanna a nei a, Office hi Mushalpur khawpuiah a awm a, a sak nan Rs.   19,91,665 hman a ni a, BCM atang leh Mizoram Kohhran mal leh mimal atangin tanpuina sum engemaw zat hmuh a ni.

September ni 20 atanga October ni 2, 2023 chhung khan HATIM Students Council (HSC) hmalakna in 'Zonunmawi Drive' neih a ni a. He hmalakna in a tum chu zo nun ze mawi inzirtir tharna te, hawihawm taka chibai bukna, aia upa te zahthiamna leh mahni inthununna tha zawka kalpui te a ni. Zirlai hruaitu ten presentation te neiin, a theih ang anga inzirna neih thin a ni.

October 2, 2023 (Thawhṭanni) khân ṬKP Chawngte West Pastor bial chuan, bial rorêl bawhzuiin Sport meet an nei. Intihhlimna Items hrang hrang hmangin nilêngin hun an hmang a, ṬKP member ten an hlutin hun hlimawm tak an hmang.

September 28, 2023 khan Sakawrdai leh Vaitin-ah Manipur buaina avanga Raltlan - Relief Camp leh inluah-a awm chhungkaw engemawzat hnenah chhawmdawlna pe-in R&D Director Rev. L. Vanlalsanga hovin R&D thawktute Co ordinator Pu Lalrinawma leh Asst.Co ordinator Nl. T. Lalfawnveli te an kal a, tanpuina ei leh bar leh thil hrang hrang cheng nuai 2 man an keng a ni.

October 2, 2023 khan TKP Zonuam Unit, Luangmual Bial, Aizawl chuan kum 25 an tlinna (Silver Jubilee) an lawm a. Jubilee Thupuiah Mathaia 5:14 thu “Khawvel êng” tih chu hman a ni.

Worship Department hmalakna-in September 23 khan Shillong Pastor Bial huapin BCM Biak In, Shillong-ah Worship & Music Training neih a ni a, Seminar-ah hian Rbt VL Hruaia, Worship Trainer chu Resource personah an hmang.