Ṭhalai Kristian Pawl, Ṭhuampui Pastor Bial September 30, 2023 (Inrinni) khan Aizawl Area TKP Coordination Committee ruahmanna in BCM Biak In, Thuampui Hall-ah, Dam lo mamawhte hman atan Thisen pek runpui an nei a. Civil Hospital, Aizawl- Blood Bank-a thawktuten kal chilhin thisen hi an la a ni. He hunah hian thisen Unit 27 an pe  a, thisen petute hi mipa 26 leh hmeichhia 1 an ni.

September 28, Ningani nileng khan BKHP Zotlang Pastor Bial, Aizawl te chuan BCM Biak in, Kanan ah Seminar an nei a. Seminar hi hun hnih chawhma leh chawhnu ah te neih a ni

September 28, 2023 (Zirtawpni)  chawhma dar 11:30 khan Sap Upa & Pu Buanga Hall, Hqrs.Office, Serkawnah MBKHP Executive Committee Meeting neih a ni a. BMKHP President Pi PC.Lalvohbiki’n meeting kaihruaiin, Secertary Lalhmingmawii Chongthu-in Report tlangpui a pe.

Kum tina an tih thin angin September 28, 2023 (Ningani) khan Bru Mission hnuaia Mission School hrang hrang hrang-a Headmaster leh Headmistress te chuan Budget Meeting, BCM Hqrs.Office, Committee Room-ah Budget Meeting an nei.

September 29, 2023 (Zirtawpni) zing dar 10:00 khan BCM Hall, Headquarters Office, Serkawn-ah Kohhran Upa Exam Result 2023 tih chhuah a ni a. Pastoral Ministry Department Director Rev. Vanlalmuankima’n he hun hi kaihruaiin, report tlangpui a pe nghal a, General Secretary Rev. R.Lalbiakliana’n Result tlangzarhin Pathian hnena lawmthusawi tawngtain-in hun tihtawp a ni.

Baptist Masihi Mission Inkhawmpui vawi 34-na chu September 22-24, 2023 chhung khan Mizoram Baptist Kohhran Biak in, Chanmari, Lunglei-ah “Pathian Hmangaihna” I Johnan 4:19 thupuia hmangin neih a ni a. Rev. Israel Lalremtluanga, Director, Baptist Masihi Mission chu Speaker-ah hman a ni. Inlkhawm apiangin Speaker hnen atangin thuchah tha tak tak ngaihthlak thin a ni a, Zaipawl, Group zai leh mal zai engemawzat awmin Worship Dance pawh Inkhawm apiangin thlir tur a awm bawk

Baptist Higher Secondary School, Serkawn chuan September 25 atang khan School Annual Sports an nei mek a. Thawhtanni khan Lena Studium, Serkawn Melte-ah Opening Ceremony neiin Lunglei DC, Pi Ramdinliana, IAS chu khuallinah an hmang.

Christian Conference of Asia (CCA) General Assembly hnuaia rorelna peng pawimawh tak pakhat – ‘Asian Ecumenical Women's Assembly’ (AEWA) 2023 chu September 25-28, 2023 chhung khan Kottayam, Kerala-ah neih a ni a. He hunah hian BCM Represent in MBKHP chuan Exdecutive Committee member pakhat - Pi Zohmangaihi (Tebawihi) kal tura a ruat angin a tel a, Jessie Lalramneli, NEICC-WA Secretary pawh he hunah hian NEICC aiawhin a tel bawk.

September 24 (Pathianni) zan khan BCM Republic Vengthlang chuan kum tina an lo hman tawh ṭhin angin The Leprosy Mission Nite an hmang a, he hun ah hian Rev. TC. Zodinsanga, Executive  Secretary, The Leprosy Mission, Mizoram chu Speaker ah hman a ni.

Ṭhalai Kristian pawl, Mampui Unit chuan an Unit din champhaphak vawi 75-na (Platinum Jubilee) chu September 26 & 27, 2023 khan an lawm a, Jubilee thupuiah "Hei lehchen hi Lalpa’n min pui a ni" (I Samuela 7:12 ) tih hmangin, Speaker-ah Rev. C. Vanlalhruaia, Bialtu pastor Mualthuam ‘N’ Bial an hmang.

ṬKP Lunglawn Pastor Bial te chuan September 22-24,2023 chhung khan, II Korinth 6:4 thu 'Engkimah mi mittlungin kan awm zawk ṭhin' tih thupuia hmangin BCM Biak In, Lunglawn East ah Bial ṬKP Meet an nei a, Speaker-ah Rev.Sangliankhuma Chinzah, Bialtu Pastor hman a ni. Inkhawm apiangin Speaker thuchah bakah Unit hrang hrang Zaipawl te, Live band, Group zai leh Mal zai te ngaihthlak thin a ni a, Worship dance leh Musical Drama hmanga Pathian thuchah ngaihtlak leh thlirho a ni bawk.

September 21, 2023 khan Manipur buaina avanga zohnahthlak tam tak, Mizorama raltlana awm te tlawh leh chhawmdawlna te pe-in BCM Relief Team te Lunglei chhuahsanin an kal. BCM Relief Team te hi Rev. L. Vanlalsanga, Director leh Nl. T. Lalfawnveli, Asst.Coordinator te kalin, Kolasib-a R&D Staff pahnih Nl. Bethsy Lalhruaizeli leh Tv. Reuben Lalhruaizela ten an lo tawiawm bawk. BCM Relief Team te hian tanpuina cheng Nuai 6 man hu - ei leh In tur bakah  mamawh hrang hrang an sem a ni.

September 23 & 24, 2023 hmang khan Kristian Naupang Pawl, Zawlnuam Pastor Bial chuan BCM Biak In - Vengpui, Zawlnuam-ah “In nu leh in pate thu zawm rawh u"  Ephesi 6:1 thupuia hmangin Bial KNP Inkhawmpui an nei a, Speaker-ah bialtu Pastor Rev. K. Lalrammawia an hmang.

Assam Field Dhubri Area a BCM in rawng kan bawlna kum 50-na (Golden) Jubilee chu September 16-18, 2023 chhung khan Assam Field Headquarters Dhubri ah hman a ni a. Dhubria Area huam chhung, North-West Assam Baptist Church (NABC) hnuaia Kohhran hrang hrang atangin he Jubilee hmang hian mi 300 Chuang an kal khawm a, Mizoram atang pawhin Audio Visual Production thawktu te Jubilee lawmna Video Coverage tih sakin an kal a ni.

September 19, 2023 (Thawhlehni) khan ‘Our Daily Bread (India) hruaitu te Director - John D. Samuel leh Asst. Director – Moses te chuan BCM Headquarters rawn tlawhin, Rev. R. Lalbiakliana, General Secretary leh Rev. Dr. R. Lalthanmawia -AGS Mission bakah Pu Lalruatkima, Administrative Officer ten lo dawngsawin, General Secretary room-ah inkawmhona an nei