‘Thuawihna leh Taihmakna’ tih thupui hmanga Kristian Naupang Pawl (KNP) te puala Lemchan tawi intihsiak buatsaih-ah Mizoram hmun hrang hranga  KNP Unit 43 a tangin Lemchan Tawi thehluh a ni a, heng lemchan tawi te hi endiktu-a ruat mi 3 ten uluk taka an endik hnu in, Judge te leh Lemchan Tawi Sub-Committee ten August ni 1 khan uluk taka thlirho leh in, result peih fel a ni.  Hemi ni vek hian Khawnvar YouTube Channel ah KNP Unit 43 atanga heng Lemchan Tawi hlimthla (Trailer) te chu dah nghal a ni bawk.

Camping Centre hawnna hi July 28, 2023 (Zirtawpni) chawhnu dar 2:30 khan neih a ni a. General Secretary-in Centre hawnna a neih hnu-ah Chapel-ah Inkhawmna neih zui a ni a. Rev. R. Lalnunzira, AGS-Service-in inkhawm kaihruaiin, Rev. KV Thanga, President-in Pathian hnena inkawltirna a nei a. Er. Victor LalrinAwma Sailo, Director, BCM Property Department-in Camping Centre buatsaih a nih dan leh hmalak dan tlangpui sawiin report a pe.

Thalai Kristian Pawl, Electric bial chuan Planning a an neih angin TKP Zobawk S Pastor bial nen July 28, 2023 (zirtawpni) zan khan BCM Ebenezer Biak Inah Joint Fellowship an nei a, Bial pahnih atang hian TKP member 560 vel an tel thei a ni.

Thalai Kristian Pawl,  tlabung Unit ten kum 2023 plan-a an dah angin Mission Station pahnih-ah Gospel concert an buatsaih.

ṬKP Republic Vengthlang Pastor Bial chuan July 30, 2023 (Pathianni) chawhnu khan BCM Biak In ITI –ah Bial huap Mental Health awareness campaign an nei a, Reasource person-ah Nl Gospel Lallawmzuali - Research Scholar, Department Of Chemistry @ PUC (Bethlehem Vt Unit) an hmang.

Chawnpui Kohhran, Aizawl chuan Rev. Dr. R. Lalthanmawia, AGS-Mission speaker-a hmangin July 28 & 30 chhung khan Gospel Crusade an nei a. Crusade thupui-ah “Thlenchin a tanga hmasawn” tih thu Phil. 3:16 hman a ni. Zirtawp zan, Inrinni zan leh Pathianni zing-ah te Pathian Biak Inkhawm neih a ni.

July 24-31, 2023 chhung khan Higher And Technical Institute, Mzioram (HATIM) chuan College Sports Week an nei a. College zirlaite hi House pali-ah thenin -  Savidge House, Lorrain House, Chapman House leh Clark House-ah te then an ni a, Sport item chi hrang hrang 19 hmangin inelna neih a ni.

July 29 & 30 khan City Church Unit, KNP te chuan ‘Nitin Isua nen’ (A day with Jesus)  tih thupui hmangin Vocational Bible School (VBS) programme an hmang a. Speaker-ah Pu H. Muansangpuia, KNP Trainer an hmang.  He hunah hian Naupang thahnem tak an kal a, Chhandamna thu zirhoin, Naupang zawng zawngin Pathian chhandamna chang tharin, sawmna an chhang a ni.

July 30, 2023 (Pathianni) hi Thalai Kristian Pawl (TKP) din champha vawi 72-na a ni a. Kumin TKP Day thupui chu “Pathian nen lo inrem rawh u’ (II Kor. 5:20) tih a ni ang.

Baptist Centre Lungphumna hi July 22, 2023 (Inrinni) khan, Falkland, Aizawl-a Baptist Multipurpose Centre-ah neih a ni a. Rev. C. Lalhungliana, Chairman, Area Development Committee, Aizawl-in hun kaihruaiin, Rev. R. Lalrintluanga, Executive Secretary-in Baptist Centre sakna tur atana ruahmanna leh hmalak dan tlangpui report a pe

Mission Convention hmun hnihah neih a ni Buarpui Kohhran, Rev. Dr. R. Lalthanmawia, AGS-Mission speaker-a hmangin July 22 & 23 chhung khan Mission Convention an nei a. Thupui-ah II Korinth 5:20 thu  “Krista aia palai” tih hman a ni. Mission Convention neih chhung hian Inrinni zan, Pathianni zing leh Pathianni zanah te Pathian Biak Inkhawm neih a ni a. Speaker thuchah bakah  Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni. Khawtlangah chhiat tawk an awm avangin ruahman sa angin Pathiani chawhnu Inpawlhona erawh chu neih theih a ni ta lo a ni.

July 26, 2023 (Nilaini) chawhma dar 11:00 khan BCM thawktu Tv. F. Lalruatkima (Papuia), Headquarters Office, Serkawn-a LDC hna thawk, June 8, 2023-a chatuan ram pan ta chu BCM Workers Condolence Scheme (WCS) chuan an chenna In, Lawngtlai-ah an ral. Ralna-ah hian Headquarters Office-a hotute Rev. R. Lalbiakliana, General Secretary, Rev. R. Lalnunzira, AGS-Service te, WCS hruaitu (OB) te leh Executive Secretary Office, Lawngtlai-a thawktute an kal a ni.

ṬKP Republic Vengthlang Unit chuan July 24, 2023 (Thawhṭanni) zan khan an chhehvel a Hosteller te nen BCM Biak In, Republic Vengthlang ah Joint Fellowship an nei a. He hunah hian MṬKP hmalakna bawhzuiin, Intodelh Inzirtirna hun pawimawh tak hman a ni a. Pi Elvina L. Leivon (IA&AS) chu Resource Person ah hman a ni. Unit President-in Member kalkhawm te leh an mi sawm te lawmna thu sawiin, Unit Secretary-in report tlangpui a pe bawk.

July 21-23, 2023 chhung khan ṬKP Lawngtlai South Pastor Bial te chuan “Ngaih hlut tur dik, Lal Isua” tih thupuia hmangin Bial chhunga Unit hrang hrang  intawhkhawm hun an hmang a, Speaker-ah Pu T. Lalrinmuana Lunglei Chanmari hman a ni.

MBKHP hruaitute chuan July 23, 2023 (Pathianni) chawhnu dar 1:30 khan Serkawn Pastor Bial-BKHP te pualin Chhawmdawlna In Awareness an nei a. MBKHP Hruaitute - President  Pi PC Lalvohbiki leh Assistant Secretary Pi V, Biaklawmi leh Grace Society Board member Pi F. Lalthanzami ten hun an hmang  a ni. He hunah hian Bial chhunga Unit hrang hrang atangin member 140 zet an kal khawm a ni.