“Hmangaihna In” Pathian hnena hlanna Inkhawm hi August 8, 2023 (Thawhlehni) tlai dar 3:00-ah neih a ni a. Pc Lalvohbiki, President – MBKHP-in Inkhawm kaihruaiin, Pi Lalnunzami Chawngthu, Project Manager, Grace Society-in report a pe a.  Rev. R. Lalbiakliana, General Secertary-in Pathian hnena hlanna leh Lawmthusawina a nei a. Nl. Lalhmingmawii Chongthu, MBKHP Secertary-in Lawmthusawiin, Rev. ZD Rodingliana, Director Worship Department-in malsawm tawngtaiin hun a khar a, tlaiah chawhlui kilho nghal a ni.  Hmangaihna In hlanna hunah hian Chhawmdawlna In-a awmte leh thawktute bakah MBKHP hruaitute, BCM Headquarters hruaituten an tel a ni.

August 2 - 4, 2013 khan Baptist Mission School, Damparengpui chuan Pu H. Muansangpuia, KNP Trainer Speaker-a hmangin Gospel Meeting an nei a. Agust  ni 2 zanah Bru Baptist Church Nu leh Pate leh Zirtirtute pualin hun hman phawt a ni a. August 3-4 -ah Gospel Meeting hi nei in, hmun hnih ah neih a ni

Muallianpui Pastor Bial chuan August 4-6 chhung khan Rev. Dr. R. Lalthanmawia, AGS-Mission speaker-a hmangin BCM Biak In, Muallianpui 'S'-ah Mission Convention an nei a. Zirtawp zan atangin Pathianni zan thleng Pathian Biak Inkhawm neih thin a ni a. Speaker thuchah bakah  Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni a. Pathianni  chawhnuah Mission Pual-in Inpawlhona neih a ni a. Mission rawngbawlna report te ngaihtla-in zawhna leh chhanna te, sawihona te neih a ni bawk.

BCM Gosen, Lunglei member 5 leh BCM Kahrawt, Champhai member pahnih te chu Rev. Pc Lalropuia, Bialtu Pastor, Champhai Bial hovin  BCM Ngur, Biak In Ceilling siam leh Electric Wirting hna thawkin Work Camp an nei mek

August 5 & 6 (Inrinni leh Pathianni) hmang khan Baptist Mipa Pawl, Champhai Pastor Bial chuan BCM Biak In, North Khawbung-ah ‘Tunlai Thil awmzia leh BMP te” tih thupuia hmangin Bial BMP Intawhkhawmna (BMP Meet) an nei a. Speaker-ah Rev. H. Lalfakzuala, MBMP Secretary an hmang.

August 5, inrinni khan Awareness campaign te hi neih a ni a, Bethel Kohhran Haulawng-ah hian "Naupangte Social Media hman chungchang"  thupuia hmangin zirtirna neih a ni a. Rbt.K.Lalhriatpuia, KNP Trainer-in Awareness hi neihpuiin, Tv. Peter Ramdinzauva'n a tawiawm a. Chawhma leh chawhnu hun-ah thenin  tlai dar 3:30 ah an tin a ni.

Awareness Campaign hi August 4, 2023 (Zirtawpni) khan BCM BIak In, Trinity Zobawk ah an nei a. MBKHP Hruaitute atangin  Executive Commitee Member - Rbt. F. Lalrochami leh Pi C Zonusangi te bak ah Grace Society  Board member Pi Lalluahpuii ten hun an hmang  a, Bial chhunga Unit hrang hrang atangin member 60 an kal khawm a ni.

August 7, 2023 (Thawhtanni) kha Lawngtlai Area TKP Coordination Committee din champhaphak (Rising Day) vawi 21-na a ni a, hemi ni pual hian Lawngtlai Area chhunga unit TKP hrang hrang te’n mahni unit remchan angin hun an hmang a ni.

BCM Aizawl East Pastor Bial te chuan Kum 2025 April Ni 2 hi an kum 25na champha phak a nih dawn avangin ropui taka lawm nise tiin Pastor Bial rorelna chuan a pass a.

Baptist Church of Mizoram chuan a hnuaia Motor Vehicles hi tihral a duh a. A lei duh chuan a lei ngamna zat chiang taka lehkha ah ziaka char hnanin (Sealed Envelope), a hnuaia hming ziak hnenah hian theh luh tûr a ni a, a ngam sang ber hnenah pêk a ni ang.

August 5,2023(inrinni) khan Aizawl Area ṬKP hmalakna-in ṬKP Zotlâng Pastor Bial, ṬKP Mission Vengthlang Pastor Bial leh ṬKP Champhai Karawt Unit ten Thisen an pe a, . Thisen petu te hi Mipa 129 leh Hmeichhia 43 niin, an vaiin 172-in  Unit 172 an pe a ni.

Director, Medical & Health Department report in a tarlan danin -  July 2023 chhungin Christian Hospital Serkawn-ah damlo 2640 in entirin, an zinga 364 admit an ni a, nau piang 27  an awm lai in mitthi 9 an nei thung. Report kimchang hetiang hi a ni:-

Ṭhalai Kristian Pawl, Aizawl East Pastor Bial Sports (Indoor) chu July 31-1 August, 2023 zan khan Electric YMA Hall-ah tluang taka neih zawh a ni. Bial ṬKP Sports zan khatna hi Tv. M.C. Lalhmingmawia, ECM chuan kaihruaiin Pu Lalzarzova, Vice President-in hunserh a hmang a, he mi zawhah hian inelna hrang hrang neih zui a ni. A zan khatnaah hian Futsal, Volleyball, Badminton, Inkawi kah, Perek in chhut luh siak, Sakuh Uiluh leh Maida games hmang tein Unit hrang hrang parukte an inel a, Tv. Vanlalruata, Bial Secy in lawmthu sawina tawngtaiin zan khatna hi a khar.

August 3-4, 2023 hian Relief & Development Department leh Bread for the world te thawhhonaa Innitiative of Peace and Economic Development(IPED) Project kalpui mek-ah Kolasib District-a Target Area khaw pathum – Bilkhawthlir, Thingdawl leh Vairengte-a Self Help Group hnenah Vawk chaw (Pig Feed) leh ar chaw leh arte an sem.

Mashihi Baptist Church hawnna Inkhawm hi August 3, 2023 (Ningani) chawhma dar 11:00 khan Baptist Mashihi Mission, Director Office, Venglai Lunglei-ah neih a ni a. Rev. Israel Lalremtluanga, Director, Baptist Mashihi Mission-in inkhawm a kaihruai a,  Pu K. Lalzuimawia, Evangelist-in Baptist Mashihi Mission report tlangpui pe-in, Mashihi Director-in Mashihi Baptist Church chungchang leh hawn a tulna chhan te a sawi fiah a. Rev. Dr. R. Lalthanmawia, AGS-Mission-in a hawn zawhah Rev. Lalremsiama Ralte, Mission Director-in Pathian hnenah a hlan a.  Baptist Mashihi Zaipawl leh Nl. C. Vanlalzahawmi ten fakna hla an sa a. Mi hrang hrang hnen atangin Thusawi tawi ngaihthlak a ni bawk. Rev. R. Thanmawia, Bialtu pastor, Serkawn Pastor Bial-in Malsawm tawngtaina-in hun a khar ta a ni.