April 16, 2023 (Pathianni) chawhma dar 10:00 hian BCM Biak In, Chamari, Lunglei-ah Regional Director leh Field Director atana Pastoral Ministry Department in a dah thar mi 5 te tirhchhuahna Inkhawm neih a ni dawn a. Rev. Lalremsiama ralte, Mission Director-in Inkhawm kaihruaiin, Rev. R. lalbiakliana, General Secretary-in a tirchhuak ang a, Rev. Dr. R. Lalthanmawia AGS – Mission-in thuchah a sawi ang. Tun tuma Field Director Tirhchhuah turte hi.

Kum dang ang bawkin May thla chawlhkar vawi hnihna ni 8 leh14 inkar hian Kristian chhungkaw Chawlhkar a hmang leh dawn a; hemi chawlhkar-a chhungkaw tin thu zir tur Administrative Department in a buatsaih chu Kohhran tinah thawn chhuah mek a ni.

April 9, 2023 (Pathianni) khan BCM Vengpui kohhran, S.Vanlaiphai chuan Headquarters Mission Department hriatpuinain, Tualchhung Kohhranin Missionary atana an lak, Nl. MC. Lalrinsiami MC. Lalmuankima (L) fanu S. Vanlaiphai (Vengpui) tirhchhuahna Inkhawm an buatsaih a.

April 12, 2023 khan North East India Christian Council, Women’s Assembly (NEICC-WA) Executive Committee Meeting, NEICC Headquarters, Shillongah neih a ni a. He Meeting-ah hian MBKHP Secretary Nl.Lalhmingmawii Chongthu leh Pi Chawngthanpari te an kal.

Academy of Integrated Christian Studies (AICS) –a zirlai te chuan tunkar thawhlehni, April 11 atang khan exam tanin 28 April ah exam an zo ang. Zirlai exam mek te hi Senate of Serampore College (University) hnuaia Master of Theology (M.Th) zirlai mi 17, Bachelor of Divinity (BD) zirlai mi 98 leh Asia Theological Association (ATA) hnuaia Master of Divinity (MDiv) zirlai 13 bak ah AICS in College Programme a kalpui mek Missionary Training, Diploma in Mission Studies (Dip. MS) mi 4 an ni.

Academy of Integrated Christian Studies (AICS) –a zirlai te chuan tunkar thawhlehni, April 11 atang khan exam tanin 28 April ah exam an zo ang. Zirlai exam mek te hi Senate of Serampore College (University) hnuaia Master of Theology (M.Th) zirlai mi 17, Bachelor of Divinity (BD) zirlai mi 98 leh Asia Theological Association (ATA) hnuaia Master of Divinity (MDiv) zirlai 13 bak ah AICS in College Programme a kalpui mek Missionary Training, Diploma in Mission Studies (Dip. MS) mi 4 an ni.

April 8, 2023 (Zirtawpni) chawhnu dar 2:00 khan Aizawl Area Development Working Committee Meeting Baptist House, Upper Khatla-ah neih a ni a.  Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawk in report pe-in – 2022-2023 chhungin Aizawl Area-ah kohhran thar Pakua (9) din a nih thu leh Relief to churches ah Nuai 737  hman a nih thu a tarlang.

Finance & Pension Department-in, kum 2022 April ni 1 tanga March ni 31, 2023 chhunga Assembly Target hmuh dan a tarlan danin, Bial/Tualchhung Kohhran atanga sum lut tur (Church Contribution) pumpui  Rs. 78,94,37,000/-  (Vaibelchhe 78.94) a nih laiin, sum hmuh zawng zawng Rs. 81,37,97,142/- (Vaibelchhe 81.37) a ni a, Target pumpui khumna hi  Rs. 2,43,60,142/- (Nuai 243.60)  a ni.

#Bengal Field tlawhin Mission Director a kal. March 21-29, 2023 chhung khan Bengal Field huam chhunga Mission Station leh Missionary te tlawhkualin Rev. Lalremsiama Ralte, Director, Mission Department chu a kal a. Bengal Field Director Rev. H. Lalengmawia’n lo dawngsawngin Field chhunga Mission hmun te tlawhpuiin, Missionary te nen inkawmhona an nei. March 25 (Inrinni) khan Missionary te Pualin Birpara, Mission Compound-ah Birpara Area-a Missionary te Retreat a neihpui a. Retreat-ah hian thawktu mi 15 an tel a ni.  Mission Director hian Jaigaon, Bhutan Field leh Dipsing Academy, Assam Field pawh a tlawh tel nghal a ni.

Director, Medical & Health Department report in a tarlan danin-  March 2023 chhungin Christian Hospital Serkawn-ah damlo 1686 in entirin, an zinga 293 admit an ni a, nau piang 31  an awm lai in mitthi 15 an nei thung. Mi 72 zai an ni a, an zinga 39 chu Zai pui (Major Operation) an ni. Laboratory-ah mi 1658 exam an ni a, mi 235 X Ray-in dam lo te hnenah thisen unit 42 pek a ni.

Director, Medical & Health Department report in a tarlan danin-  March 2023 chhungin Christian Hospital Serkawn-ah damlo 1686 in entirin, an zinga 293 admit an ni a, nau piang 31  an awm lai in mitthi 15 an nei thung. Mi 72 zai an ni a, an zinga 39 chu Zai pui (Major Operation) an ni. Laboratory-ah mi 1658 exam an ni a, mi 235 X Ray-in dam lo te hnenah thisen unit 42 pek a ni.

April 5, (nilaini) 2023 khan Medical and Health Department chuan BCM sponsor-a Christian Medical College, Vellore-a MBBS zir tur interview a buatsaih a. He interview ah hian Medical and Health Department hotu te bak ah, CMC Vellore atangin Doctor pakhat a thu a. Diltu mi 44 atangin 43 te interview ah hian an inlan.

April 5, 2023 (Nilaini) chawhma dar 10:30 khan Jubilee Bible School, Serkawn chuan Kum 2023 Session thar atan Diploma in Christian Studies zir tur te pualin JBS Hall-ah Orientation neih a ni a., Orientation-ah hian Rev. K. Lalbiakenga’n Zirlai te lawmna leh fuihna sawiin, JBS kalphung leh inenkawl dan te a sawi a, Principal bakah Lecturer Rev. James Zorammawia leh  Pu Lalrammuana Sailo UDC ten zirlai te hnenah hriat tur pawimawh hrang hrang kawhhmuhna an nei bawk

April 7, 2023 kha Khawvel puma Kristiante ni pawimawh ber te zing ami “Good Friday” a ni a.  Ningani zan (Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho a. Bialtu pastor leh Bial nei lo Minister leh Headquarters-a hruaitute pawh Kohhran hrang hrangah in sem darhin Lalpa Zanriah Sacrament hi an buatsaih a ni. Good Friday leh Easter Sunday ah hian Kohhran tinah Pathian Biak Inkhawm leh Pathian faka zaikhawmin hun an hmang a ni.

Hnahthial South Pastor Bial tena an din Baptist English School, Hnahthial hawnna Inkhawm hi April 4, 2023 (Thawhleni) chawhma dar 11:00 khan BCM Biak In, Modelveng, Hnahthial-ah neih a ni a. Upa F. Tlankima, Bial Chairman-in Inkhawm kaihruaiin,  Upa H. Lalrinawma, Bial Secretary-in BES dinna tura hmalak dan report tlangpui pe-in, Zirtirtu tur te hmelhriattirna a nei nghal a. Rev. R. Lalnunzira, AGS-Service in School a hawng a, thuchah a sawi bawk.