Vawiin, September 13, 2024 (Zirtawpni) khan Mizoram Kohhran Inpumkhatna atana Kohhran hrang hrang aiawh te chu BCM Hall, Baptist Church of Mizoram, Headquarters Office, Serkawn-ah an thukhawm a. Tun tumah hian Mizorama Kohhran pawl hrang hrang aiawh mi 41 an tel thei a ni. Meeting hi Committee Chairman, Rev Vanlalnghaka, Moderator, Presbyterian Church of India, Mizoram Synod-in a kaihruai a, Committee Secretary - Rev. Dr. R. Lalbiakliana, General Secretary, BCM-in report a pe.

Mizoram Baptist Kohhran Administrative Committee September 6, 2024-a thukhawm chuan a hnuaia hming tarlan hi Accountant (contract) hna thawk turin a la thar.

Mizoram Baptist Kohhran Pastoral Ministry Department hnuaia Kohhran Upa exam Board ruahmanna-in Vawiin, September 6, 2024 (Zirtawpni) khan Kohhran Upa exam a buatsaih a. Exam hi Pastor bial tinah Bialtu Pastor leh Bial puipa-te kaihhruaina-in neih a ni. Kuminah hian Pastor bial 69 atangin Kohhran Upa atana thlan thar, Tualchhung Kohhran hrang hrang atangin mi 184 report dawn a ni a.

Assembly Rorel 2024 thu passed bawhzuiin Administrative Committee-in ruahmanna a siam angin September 7, 2024 (Inrinni) dar 11:00 am – 3:00 pm chhung hian Tualchhung Kohhran tinah Awmni Khamin Ram tana tawngtaina neih tur a ni a, Tualchhung Kohhran tin te he Ni hi urhsun taka hmang turin General Secertary chuan a chah a ni….

Baptist Church of Mizoram chuan a hnuaia Motor Vehicles hi tih ral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang. Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang.

September 1, 2024 (Pathianni) chawhnu dar 1:00 khan BCM Biak In, Chanmari, Aizawl-ah Ṭhalai Kristian Pawl, Aizawl East Pastor Bial chhunga Unit hrang hrang parukte tan 'Bible Quiz' inelna buatsaih a ni. Bible Quiz hi Rbt. V. Vanlalropuia, Asst. Secretary-in kaihruaiin, Upa. H. Lianmawia, Senior Adviser-in hunserh a hmang bawk. Quiz Master atan Rbt. Lalzarzova, Vice President hman a ni a, Genesis leh Thupuan bu aṭangin inelna hi neih a ni

Paithar Pastor Bial BKHP rorel-in Seminar cum Leadership Training neih a lo pass tawh angin, August 30, 2024 (Zirtawpni) khan nilengin BKHP Seminar & Leadership Training an buatsaih a. Resource person-ah MBKHP hruaitu te sawmin, Secretary, Nl Lalhmingmawii Chongthu leh Executive Comt member pahnih Pi K.Vanlalpari leh Pi HC.Pari te kalin hun an hman pui a, Bial chhung Unit hrang hrang atangin member 59 an kal khawm a ni.

Spetember 4, 2024 (Nilaini) khan Mizoram Baptist Kohhran Revival & Evangelism Committee buatsaihin Sap Upa leh Pu Buanga Hall, Headquarters Office, Serkawn-ah BCM Recognised Team Speakers Meet neih a ni a. Resource person-ah Upa PC Lawmkunga, BCM Shalom, Missionvengthlang Bial leh Pi Lalnunzami Chawngthu, Manager Baptist Chhawmdawlna In hman an ni.

Tunkar thawhlehni atanga zirtawpni, August 27-30, 2024 chhung khan  School of Nursing, Christian Hospital Serkawn-a GNM zirlai te chuan Intuaitharna (Retreat) an nei a. Speaker-ah Rbt Andrew Lalhmachhuana, Speaker Team L.O.G.O.S an hmang. Reatreat Programme hi chhun leh zanah hmangin thu leh hlaa in fuihtharna neih thin a ni a, boruak nuam takin an hmang a ni.

Aizawl Area Baptist Choir (2022-2025) chuan hla thar "Ka tawngtaina a hria" tih chu August 29, 2024 (Ningani) zan khan BCM Biakin, City Church kohhran hall-ah an tlangzarh.

August 24 & 25 (Inrinni leh Pathianni) hmang khan Thenzawl Pastor Bial BKHP chuan BCM Biak In, Bethlehem, Thenzawl-ah Bial BKHP Rorel leh Inkhawmpui an nei a. Inkhawmpui thupui chu Jeremia 17:21 tlawh chhanin “In nun hi fimkhurpui hle teh u” tih niin, Inkhawmpui Speaker-ah Rev. R. Lalnunzira, AGS-Service an hmang.

August 25, 2024 (Pathianni) khan BCM Shillong chuan “Krista aia Palai kan ni” (II Kor.5:20) thupuia hmangin Mission Convention vawi 18-na BCM Biak In, Shillong-ah an nei a,  Speaker atan Bialtu Pastor Rev PC Lalropuia  an hmang.

August 29, 2024-a khan North East India Christian Council (NEICC) Executive Committee Meeting chu NEICC Conference Hall, Headquarters, Shillong-ah neih a ni a.  He Meeting-ah hian NEICC Rev. R. Lalnunzira, AGS-Service chu NEICC Outgouing President leh BCM aiawha Executive Committee member a nih bawk avangin Meeting-ah hian a tel.  Tun tum meeting hi NEICC inkhawmpui (Biennial Session) kumin 2024 May thla neih hnuah Executive Committee hmasaber niin, inkhawmpui thurel bawh zuina a ni.

August 24 & 25 hmang khan KNP Ramhlun Pastor Bial chuan ‘Pathian tihtu naupang’ tih thupui hmangin KNP Inkhawmpui an nei a, Speaker-ah Pu H. Muansangpuia, KNP Leaders Trainer an hmang.

August 29, 2024 (Ningani) zan dar 7:00 khan TKP Serkawn Pastor Bial chuan Bial TKP Sports Meet 2024 kharna inkhawm BCM Hall, Serkawn-ah an hmang. Inkhawm hi Pu Michael Lalremruata leh Nl. T. Lalrinpui ten kaihruaiin Bialtu pastor Rev. JC Vanlalluaia’n Pathian hnena inkawltirna (Hunserh) hmangin, thuchah tawi a sawi nghal a, Unit tin atangin zaipawl ten fakna hla remin, hemi zawh hian Group zai leh infiamna item ‘Minute to win’ hmangin unit inelna neih chhunzawm a ni a, Bial Sports Meet convener hnen atangin lawmthusawina ngaihthlak a nih hnu-ah Bial Meet inelna hrang hrang result puan leh lawmman semin chhunzawm a ni.