September 1, 2024 (Pathianni) atang hian Mizoram Baptist Kohhran chuan Beirual kan tan dawn ta a. Kumin Beirual thupui chu “Ringtu nun’ tih niin Rev. R. Lalnunzira ziak a ni. Pathianni zing inkhawmah thupui thlan sa ‘Ringtu nun, midang te tan malsawmna’ tih thu hmangin thuchah ngaihthlak a ni ang a, Pathianni zan-ah Beirual Thuzir tan a ni ang a, Zirlai pakhatna ‘Ringtu pian leh murna’ thu thu zirho a ni ang.

School of Nursing Christian Hospital, Serkawn-a General Nursing and Midwifery (GNM) Final Year zirlai 21 te chu an zirtirtu Pi R. Vanlalruati leh Nl. Ramengmawii Pautu ten hovin Shillong-ah Study tour leh Excursion neiin an feh chhuak a.  August ni 19, 2024 khan Serkawn chhuahsanin, Shillong-ah NEIGHRIMS leh Nazareth Hospital te tlawhin Cherapunji-an tlawh bawk

August 21 – 23, 2024 hian Christian Hospital leh Eye Care Hospital, Aizawl țangkawp chuan Christian Hospital, Serkawn-ah Eye Camp an buatsaih a. He eye Camp-ah hian Eye Care Hospital Aizawl ațangin Dr. KL Remsanga leh Staff te an rawn kal a, a ni khatnaah mi 60 chuang enin, vawiin hian Cataract Survey a hmuhchhuahte te an zai leh nghal ang. Heng an mit zaite hi tunlai technology Phacomachine khawl a zai an nih avangin Hospital ah riak lovin langin an ti thin a ni

Baptist Church of Mizoram, Assembly hnuaia Rorelna sang ber, Assembly  Executive Committee Meeting - August 22,  2024 (Ningani) BCM Hall, Headquarters Office, Serkawn-a neih chuan Mizoram People Forum (MPF) a tel ve  chungchang Assembly-ah thlen an remti.

August ni 17 & 18 hmang khan Pukpoui Kohhran leh Phawngpui 'N' Pastor Bial te chuan Mission Convention hetiang hian an hmang.

August 17-18, 2024 Hmang khan  Shillong Pastor Bial chuan BCM Biak In, Madandriting-ah ‘Lalpa chu fak rawh u” Sam 117:1-2 thupuia hmangin Zai kutpui an nei a, Speaker-ah Rev. Pc Lalropuia, Bialtu Pastor an hmang a, BCM Electric Veng,Lunglei Standing Choir ten zaia rawngbawlin an hmanpui bawk.

August ni 17-18,2024 (Inrinni leh Pathianni) hmang khan Mizoaram Baptist Mipa Pawl(MBMP) Hruaitute chuan  BMP Buarpui North Pastor Bial  tlawhin MBMP hruaitute Rbt R. Liankunga-Vice President, Pu Lalnunsanga Pachuau-Treasurer, Pu Vanlalpeka-Finance Secretary leh Pu Thangliana-Executive Committee Member te an kal. Bial chhung Unit hrang hrang te hi New Khawlekah intawkkhawmin Pathianni zan thleng hun hman a ni.

August 17-18, 2024 (Inrinni leh Pathianni) hmang khan Mizoram Baptist Kohhran Hmeichhe Pawl (MBKHP) hruaitute chuan MBKHP hmalakna pakhat ‘Tlawh khat bial tlawh’ programme hmangin Bungtlang S Pastor Bial an tlawh a, MBKHP hruaitute - Asst.Secretary - Pi F. Lalawmpuii,  Treasurer - Pi V. Zothanbuangi leh Pi R. Lalhmangaihsangi, Executive Comt. Member te bakah Pu C. Lalrengpuia,         Chhawmdawlna In te an kal a ni. MBKHP hruaitute hian Bial chhung Kohhran tinah hun hmangin ‘Rawngbawlna’ tih thupuia hmangin thuchah ngaihthlak thin a ni.

Mizoram Baptist Kohhran hnuaia Pastor hna leh Missionary hna Pension thlenga thawk tawh, Rev. Vanlalhruaia – Non-Mizo Pastor ti-a kan hriat lar thin chuan August 20, 2024, zing lam dar 3:15 khan kum 79 mi niin chatuan ram min pan san ta. Hemi ni vek hian BCM Biak In, Bazar Veng, Lunglei-ah vuina inkhawm neiin Bazar Veng thlanmualah ropui taka thlah liam a ni.

Vawiin August 14, 2024 (Nilaini) khan Baptist English School, Serkawn chuan Parents-Teachers Meeting an nei a, Class hrang hranga zirlai nu leh pa te kokhawmin hun an hmang.

August ni 8, 2024 khan Board of Examination (BOE) HATIM bultumin Mizoram University Examination hnuhnung bera college department hrang hrang pariat atanga 8.5 SGPA score pha te leh class topper te hnenah te hnenah lawmpuina pawisa fai Rs. 1000 theuh hlan an ni.  He programme in a tum ber chu zirlai tithate chawimawina leh zirlai dangte tana entawn tlak an nih zia pholanna hun siam sak a ni.

August ni 10, 2024(inrinni) khan Mizoram Ṭhalai Kristian Pawl Executive Committee Meeting Vawi 548 chu Sap Upa leh Pu Buanga Hall, BCM Hqtrs Office, Serkawn-ah tluang taka neih a ni. Meeting hi Upa R. Lalrochama, President MṬKP chuan kaihruaiin, MṬKP Secretary Rev. F.Zorinkhuma hnen aṭangin Meeting hmasa thurel umzui dan hrang hrang te, MṬKP thuzir exam question peih a nih tawh thu leh thawn chhuah tur hmalak mek a ni thu te, Youth Centre Development Committee hmalakna te, Kohhran leh Sawrkar hmalakna hrang hranga Mizoram ṬKP tel ve na te leh MṬKP hmalakna hrang hrangte report a pe a. Report kim chang hi rorel member te hnenah ziaka sem a ni.

August 10 & 11 hmang khan Paithar Pastor Bial chuan “Fakna Thiltihtheihna” tih thupui a hmangin Bial huap Fakna inkhawmpui, BCM Biak In, Sihtlangpuiah an nei a. Speaker-ah Bialtu Pastor Rev. R. Lalkhamliana hmangin, Tv. Oscar Zaihmingthana’n Zaia rawngbawlin a tawiawm bawk.

Mizoram Thalai Kristian pawl Rorel 2024-in “Sorkar ṭha kan neih theih nân, Pathianni tlâi vawikhat chaw nghei ṭawngṭài neih ni se” tih thu a lo passed tawh chu MTKP Executive Committee chuan ngaihtuahin,  August 18, 2024 (Pathianni) tlai hian  TKP unit tinah chawnghei tawngtai neih turin ruahmanna a siam a. Tawngtai thupui siamin Unit tinah heng thupui hmang hian chawnghei tawngtai a rualin neih a ni dawn a ni. Tawngtai thupui tur chu heng te hi an ni:-

Agust 10, 2024 (Inrinni) khan Serte Bial Sunday School Committee buatsaihin Baptisma, Intemediate leh Senior ‘A’ zirlai te huapin Sunday School meet BCM Biak In, South Lungdaiah neih a ni a, Resource person-ah Upa Pc Vanlalrova, Sunday School Trainer an hmang. Sunday School zirlai 130 chuang kalin, Bial Sunday School puipate leh Tualchhung Sunday School zirtirtu leh hruaituten an tawiawm bawk.