September 27-29 chhung khan Buarpui South Bial TKP chuan “I nunna turin tlan chhuak rawh”. (Gen 19:17) thupuia hmangin BCM Biak In, Immanuel-ah Bial TKP Intawhkhawm (TKP Meet) leh Bial Rorel an nei a, Speakerah Upa P.C.Vanlalrova, Senior Adviser MTKP an hmang. MTKP atang hian Executive Committee member pahnih Pu Lalrammuana Sailo leh Nl Grace Lalrindiki te an kal bawk. Serchhip Pastor Bial zaipawl te’n zaia rawngbawlin Meet hi an hmanpui bawk. Inrinni zan atanga Pathianni zan thlengin zaia rawngbawlna an nei thin bawk.
Chakma Mission hnuaia Baptist Mission School, Tuichawng a Evan. Teacher thawk lai Upa Ch. Hmingthanga chu October 01, 2024 hian Superannuation pension-a a chhuah dawn tak avangin, September 27, 2024 khan Tuichawngah, Tuichawng Area a thawktuten Chakma Mission pumpui aiawhin ama quarters-ah thlahna an nei.
Baptist Higher Secondary School, Serkawn chuan September 23, 2024 atang khan School Annual Sports an nei a. Thawhtanni khan Lena Studium, Serkawn Melte-ah Opening Ceremony neiin, khuallianah Pu V. Malsawmtluanga, Vice Chairman, HPC, Lunglei an hmang. Zirlai te hi House-ah inthenin Sports Discipline hrang hrang bakah Solo, Beat Conterst, Girls Band leh Cultural Item hmanga Inelna te neih a ni. Vawiin, September 27, 2024 (Zirtawpni) chawhnu hian Sports kharna Inkhawm neiin, Inelna hrang hrang a thi tha te hnenah lawmman sem a ni ang.
September 25, 2024 (Nilaini)chawhnu dar 2:30 khan Upa Biakchungnunga, Office Superintendent, BCM Headquarters Office chu October 1, 2024 atang khian Superannuation pension-a a chhuah dawn tak avangin BCM Headquarters Office-a a thawhpui ten BCM Hall-ah amah thlahna an nei.
September 25, 2024 (Nilaini) zing dar 10:00 khan BCM Hall, Headquarters Office, Serkawn-ah Kohhran Upa Exam Result 2024 tih chhuah a ni a. Rev. Vanlalmuankima, Director, Pastoral Ministry Department in he hun hi kaihruaiin, report tlangpui a pe nghal a, General Secretary Rev. Dr. R.Lalbiakliana’n Result tlangzarhin, Pathian hnena lawmthusawi tawngtaina-in hun tihtawp a ni.
September 20,2024 (Zirtawpni) chhun dar 12:00 khan Mizoram Baptist Kohhran, Cheural, chuan an Biak In thar chu BCM President Rev. F. Ramdinmawia’n hawngin Pathian hnenah a hlan. Pu Lalruatkima, Administrative Officer-in he hun hi hmapuiin chibaibukna a sawi a, Biak In sakna tura Concept drawing leh Architectural design zawng zawng siam sak tu Upa T. Lalhlimpuia, BCM Venglai pawh an sawm angin Biak In hawn programme hi hmanpuiin, lawmpuina thu a sawi bawk.
Mizoram Baptist Kohhran rorelna sang ber Assembly 2024-in 12th Pay Commission din a rawt angin, 12th Pay Commission chu a vawi hnihna atan September 17, 2024 khan General Secretary Room, Headquarters Office-ah an thukhawm.
September 17, 2024 khan Mizoram Nursing Council chuan General Nursing Midwiferym(GNM) result 2024 a ti chhuak a. Tun tum result tih chhuah-ah hian School of Nursing, Christian Hospital Serkawn chuan result tha tak neiin, Candidates 60 atangin mi 49 (81.6% ) in hlawhtlinna changin, an zinga mi 11 te To-Ten-ah an lang a. Top-ten-a lang zingah hian Second Year zirlai Lalbiakliani chuan Mizoram pumah pakhatna a hauh a ni
BCM hnuai a thawk lai, Probationary Pastor kum khatna, kum hnihna leh kum thumna te chuan tunkar Thawhlehni, September 12 khan Sap Upa leh Pu Buanga Hall, Serkawn-ah Annual Exam an nei a, tun tumah hian kum khatna mi 5, kum hnihna mi 9 leh kum thumnaah mi 5, an vaiin mi 19-in exam hi an bei a ni.
September 12, 2024 chhun dar 12:00 khan Baptist printing Press a hman tur, Printer thar pahnih chu Pathian hnena hlanna neih a ni a. He hunah hian Baptist printing Press-a thawktute bakah Rev. Dr. R. Lalbiakliana, General Secretary leh Rev. R. Lalnunzira, AGS-Service te an tel a ni.
Vawiin, September 13, 2024 (Zirtawpni) khan Mizoram Kohhran Inpumkhatna atana Kohhran hrang hrang aiawh te chu BCM Hall, Baptist Church of Mizoram, Headquarters Office, Serkawn-ah an thukhawm a. Tun tumah hian Mizorama Kohhran pawl hrang hrang aiawh mi 41 an tel thei a ni. Meeting hi Committee Chairman, Rev Vanlalnghaka, Moderator, Presbyterian Church of India, Mizoram Synod-in a kaihruai a, Committee Secretary - Rev. Dr. R. Lalbiakliana, General Secretary, BCM-in report a pe.
Mizoram Baptist Kohhran Administrative Committee September 6, 2024-a thukhawm chuan a hnuaia hming tarlan hi Accountant (contract) hna thawk turin a la thar.
Mizoram Baptist Kohhran Pastoral Ministry Department hnuaia Kohhran Upa exam Board ruahmanna-in Vawiin, September 6, 2024 (Zirtawpni) khan Kohhran Upa exam a buatsaih a. Exam hi Pastor bial tinah Bialtu Pastor leh Bial puipa-te kaihhruaina-in neih a ni. Kuminah hian Pastor bial 69 atangin Kohhran Upa atana thlan thar, Tualchhung Kohhran hrang hrang atangin mi 184 report dawn a ni a.
Assembly Rorel 2024 thu passed bawhzuiin Administrative Committee-in ruahmanna a siam angin September 7, 2024 (Inrinni) dar 11:00 am – 3:00 pm chhung hian Tualchhung Kohhran tinah Awmni Khamin Ram tana tawngtaina neih tur a ni a, Tualchhung Kohhran tin te he Ni hi urhsun taka hmang turin General Secertary chuan a chah a ni….
Bualte leh Ṭhualṭhu khaw inkara lei min nasa tak avanga khualzin tangkhangte chhawmdawlna atan BCM chuan Charity Fund aţangin khawtlang hruaitute hnenah thilpek an hlan. Bualte leh Thualthu inkar leimin hi July 7, 2026 (Thawhlehni zan) ruahsur nasa tak khan lei ti minin, kawng a ti pinga, a tuk tlai aṭangin khawtlang hian ei leh in tur ngaihtuahsakin an buaipui nghal a ni. …
July 6, 2026 (Thawhtanni) khan TKP Hermon Unit, Theiriat te chuan Pangpar khawi training R&D Department te an sawm angin, Pangpangpar khawi Training-ah hian Resource Person atan Nl. Lalbiakengi Chhangte, Chanmari Lunglei hman a ni a. A ni hian zirtirna hun tha tak a hmang. …
June 30, 2026 (Thawhlehni) chawhnu dar 2:00pm khan Pi ZD. Lalliansangi, Staff Nurse Christian Hospital Serkawn-a thawk chu supper Annuation pension-a a chhuat dawn tak avangin Christian Hospital Serkawn a thawhpui te’n Hospipal Chapel-ah amah thlahna hun an hmang. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..
