Rev. Dr. R. Lalthanmawia, AGS Mission chu Tunkar chhung hian Tripura Field tlawhin a zin chhuak a. Tripura-ah hian Mission rawngbawlna hmun hrang hrang te tlawh leh thawktute nen inrawnkhawmna te nei in hun an hmang a, November ni 30 khan St.James Higher Secondary School, Gongarai-ah Missionary nupui te pualin Retreat a a neihpui a, December 1-3 hian TBCU Pastor Conference-ah Speaker niin hun a hmanpui leh mek a ni.

Bookroom hawnna inkhawm hi November 28, 2023 zing dar 7:30 ah neih a ni a, Rev. PC Lalropuia, Bialtu Pastor Champhai Bial-in kaihruaiin, Rev. Vanlalnghaka Jongte, Bialtu Pastor Bethel Bial, Champhai in Bookroom dinhmun leh tuna buiding siam dan report tlangpui a pe a, Rev. Dr. Lalzarliana’n hawnna leh Pathian hnena hlanna a nei. -Lalpa tawngtainain hun khar ani.

Tunkar Pathian Ni, December 3, 2023 hi khawvel huapa Kristiante Ni Pawimawh “Bible Sunday” a ni a, Mizoram Baptist Kohhran pawhin he Ni hi urhsun takin a hmang thin a,  Tualchhung Kohhran tinah Bible Society rawngbawlna lam thuchah leh campaign nan hmangin, Bible Society hmunpui atanga chhiar thuchah chhiar tura buatsaih te chhiarin hun hman thin a ni.  Kumin Bible Sunday thupui chu “Pathian thu, mihringte khâwnvâr (Sam 119:105) tih a ni a, Bible Sunday puala Kohhran hote hnena thuchah chhiar tur Nipawimawh Programme-ah tarlan a ni.

Indian ram sorkar hnuaia Tuihna humhalh kawnga hma latu, Ministry of Jal Shakti (Department of Water Resources) chuan BMS Missionary- Sap Upa leh Pu Buanga ten an siam, Saptui, Serkawn, Lunglei ami chu India rama tuihna humhalh leh enkawl tha leh tlo 75 a thlan zingah a telh a. Hemi chungchang tarlanna leh  Water Heritage Forthnight kharna Inkhawm hi Saptui, Serkawn-ah November 30 zing dar 7:30 khan neih a ni.

Rev. R. Lalbiaklian, General Secretary chu Aizawl East ABC Rorel leh Inkhawmpui a hmanpui zawh-ah Assembly-thurel ‘Delhi-ah BCM-in hmun hma nei tura hma lak ni se’ tih bawhzuiin Delhi-ah a tlang nghal a, New Delhi-ah hian Administrive Officer, Pu Lalruatkima nen BMS-India hotute leh BCTA hotute nen inkawmna neiin, BMS hmun hma chhuahsan tak ram enkawl chungchang te an sawipui a.

November 27 – December ni 1 chhung khan Serkawn Kohhran te chu Bru Mission-a kan rawngbawlna hmun hrang hrang – Zochachhuah, Hruitezawl leh Ngengpuitlang te tlawhin an kal a. An kalna khuaah te hian Medical Free Clinic neiin, Doctor pathum leh Nurse engmawzat bakah Medical lama thawktu te telin Medical Clinic hi an buaipui a. Damlo te hi an mamawh damdawi te pawh a thlawnin an pe  nghal a ni.

November 30, 2023 khan Baptist printing Press Manager Upa K. Lalnuntluanga, Supperanuation pensiona chhuak tur chu Department hotute leh Printing Press a a thawhpui ten an thlah a. Thlahna inkhawm tawi hi Press Building ah neiin, Upa Lalthakima Pachuau, Assistant, BPP-in a kaihruai a, Nl. K. Lalromawiin thlahna thilpek hlanin Rev. R. Lalnunzira, AGS-Service in a rawngbawlna avanga lawmthusawina leh fuihna thu a sawi a. Upa K. Lalnuntluanga hnen atangin thusawi ngaihthlak a ni bawk.

Lunglei North ABC Executive Committee-in ABC Inkhawmpui chhunga thawhlawm tlingkhawm HATIM tanpui nan pek ni se ti-a a rel angin November 28, 2023 khan Treasurer Upa B. Sangmawia chuan HATIM Principal - Pu V. Vuansanga hnenah ABC Inkhawmpui thawhlawm tlingkhawm Rs. 74,815/-  a hlan.

November 23 - 25, 2023 khan Board of Theological Education Senate of Serampore College (BTESSC) Meeting leh  Serampore College Convocation, United Theological Seminary, Trivandrum, Kerela ah neih a ni a. Meeting leh Convocation hmang hian AICS Principal, Rev. Dr. C. Vanlaldika leh JBS Principal Rev. K. Lalbiakenga te an kal. November ni 23 leh 24-ah  Theological Education Senate of Serampore College (BTESSC) Meeting neiin, Meeting hian Rev. R. Lalnunzira, AGS Service chu term thar (2024-2029) chhung atan Senate member (Senator) atan a ruat a ni.

All India Sunday School Association (AISSA)  Conference kum thum dana neih thin chu November 27 leh 28 hmang khan Chennai-ah a vawi riatna atan neih a ni a. He Conference hmang hian BCM aiawhin Rev. ZD Rodingliana, Director, Christian Education Deparmtent a tel a. Conference-ah hian BCM-in Sunday School a kalpui dan leh zirlai bu a buatsaih dan te sawiin report a pe a ni.

(Thawktu Dam tih chianna lehkha thehluh chungchang) BCM Pension Rules 2019-in a sawi angin Pensioner/ Family Pensioner-te chuan kum tin September thla chhungin an la dam ngei a ni tih chianna General Secretary hnenah Bialtu Pastor emaw, Regional/ Field Director hnai ber hriatpuina nen an thehlut tur a ni. Hemi tel lo chuan Pension/ Family Pension hlawh pek ani lovang tih a ni.

AICS zirlaite chuan November 16 atanga ni 30 thleng awh tur Practical Ministry - Intensive Field Education-neiin an feh chhuak mek a. BD leh M.Div kumkhatna  zirlai te - BCO, Chhawmdawlna In, TNT Zuangtui, Peace Home,  Special Home, Rescue Center, Blessing Home leh Agape Home ah te hun an hmang a

November 14-21 chhung khan BCM Zotlang, Lunglei member 9 (mipa 7 leh Hmeichhia 2) te chu Longpuighat, Betbonya-ah Missionary Quarters sa in Work Camp an nei.

November 14-21 chhung khan BCM Zotlang, Lunglei member 9 (mipa 7 leh Hmeichhia 2) te chu Longpuighat, Betbonya-ah Missionary Quarters sa in Work Camp an nei.

November 14-18 chhung khan Work Camp hi an nei a, Kohhran Upa pathumin hovin, an vaiin mi 13 an thawk chhuak a ni. Work Camp-ah hian Mission School building chhuat chhun leh Bru Baptist Kohhran, Damparengpui Biak In sak lai chhuat cement zut hna an thawk a. Missionary te leh kohhran mipuite bakah, mission school naupang ṭhenkhat te nen thawkin an zut zo vek a ni. School leh Biak in chhuat chhun leh zut bakah hian, pulpit dahna tur leh, dawhsan (platform) te siam in, Biak In thutthleng engemawzat an siam sak a ni.