Worship Department Committee in "Worship Trainers' Manual buatsaih ni se" tia a rel, worship trainers ten an buatsaih chu October 13, 2023 khan Headquarters Office ah trainers te hi kal khawmin an thlir ho a. Siam that ngai lai te siamtha in, belh ngai te an belh a, Worship Department Committee a thlirho tura chawp chhuah a ni leh ang.

October 14, 2023 (Inrinni) nileng khan Communications Department buatsaih-in Aizawl khawpui chhunga Pastor Bial leh Tualchhung Kohhran Chanchinbu leh Media Cell enkawltu te  pualin “Kristian Communications Worskshop”, BCM Central Church, Upper Republic, Aizawl ah neih a ni

Rev. Pc.Lalsanglura, Bialtu Pastor, Hrangchalkawn Pastor Bial chu October 11, 2023 (Nilaini) zan dar 8:45 khan, Stroke avangin Chatuan ram min pan san ta. Rev. Pc.Lalsanglura hi October 12, 2023 - chawhhnu dar 01:00 ah BCM Biak In, Central Church, Aizawl-ah vuina Inkhawm neihpuiin, Venghlui thlanmualah ropui taka thlahliam a ni.

October 11, 2023 khan Dimapur, Nagaland atangin Western Sumi Baptist Association hruaitu mi pali te chu Mizoram Baptist Kohhran  inrelbawlna zir chiang turin BCM Headquarters an rawn thleng a. General Secretary leh Headquarters a hruaituten lo dawngsawngin, October 12 atang khan Headquarters Office- Committee room-ah inkawmhona leh BCM kalphung te inkawhhmuhna an nei.

Mizoram Baptist Mipa Pawl (MBMP) Executive Committee meeting August ni 31,2023 a neih chuan   Mizoram Baptist Mipa Pawl thil pawimawh leh ṭulte vawn ṭhat kawngah leh Hma lakna leh rawngbawlna mumal zawka puanzar a nih theih nan Media Cell a din a.  October 12, 2023, (ninga ni) chawhnu dar 2:30 khan Hotel Elite Venglai, Lunglei ah a vawikhatna atan an thukhawm.

Chakma Baptist Kohhran Assembly vawi 10-na in 'Chakma Baptist Kohhran Upa leh Rawngbawltute pual in Retreat leh Seminar neih ni se' ti-a a rel bawhzuiin, October 10 – 12, 2023 khan BCM Biak In, Venglai, Lungsen-ah 'Inthawina nung' (Rom 12:1-2) tih thupui hmangin Retreat leh Seminar neih a ni

October 11, 2023 (Nilaini) khan NSS Unit, Baptist Higher Secondary School Serkawn chuan Christian Hospital Serkawn Blood Bank-a dah turin thisen Unit 37 an pe. Thisen petute hi zirlai mipa - 22 leh hmeichhia -15 an ni a, Blood Bank-a thawktute hian School-ah kal chilhin thisen hi an lak sak a ni.

Mizoram ṬKP Rorel vawi 69-na in, "Mizoramah tun aia rorelna dik a awm theih nan MṬKP hian hma la rawh se" ti a rel bawhzuina atan October ni 8 leh ni 9, 2023 khan MṬKP hruaitute chuan Aizawl khawpuia Political Party hrang hrang Headquarters Office te tlawhin Party hruaitute an kawm.

October 6-9, 2023 chhung khan MBKHP enkawl, Drop-In Centre Lunglei a thawktute pualin Chhawmdawlna In, Serkawn Melte-ah Intuaitharna (Retreat) neih a ni a. Speaker leh Resource Person-ah Nl. Lalremsangi, Missionveng Aizawl hman a ni.

Kumin chhungin ṬKP Bazar Pastor Bial, Lunglei te chuan, Lunglei Civil Hospital tan Bial chhung Unit hrang hrang pali atangin MTKP-in Blood Donation Calendar a siam angin thisen pek hun a kalpui thin a. A hnuhnung ber atan Venglai Unit te chuan October 7, 2023, khan BCM Venglai - Jubilee Hall-ah Blood Donation Camp hi neiin, thisen unit  Unit 27 (Mipa 20 leh Hmeichhia 7) an pe a. Heti hian kumin chhungin thisen Unit 89 (Mipa - 71 leh Hmeichhia - 18) an pe tawh a ni.

Vawiin, October 5, 2023 khan Mizoram Nursing Council chuan General Nursing Midwiferym(GNM) result 2023 a ti chhuak a. Tun tum result tih chhuah-ah hian School of Nursing, Christian Hospital Serkawn chuan result tha tak neiin, an zirlai te atangin mi 9  Top-Ten-ah an lang a ni. Hetiang hi Top Ten-a langte leh an position a ni:-

Director, Medical & Health Department report in a tarlan danin – September 2023 chhungin Christian Hospital Serkawn-ah damlo 2557 in entirin, an zinga 373 admit an ni a, nau piang 41  an awm laiin mitthi 9 an nei thung. Report kimchang hetiang hi a ni:

BCM Gilgal, Theiriat Mission Committee leh BMP member mi 18 te chu Spetember 19-29, 2023 chhung khan Tripura Field-a Garjee Tailoring Centre-ah Class Room tur sain work camp an nei. Class Room hi a chung an chih zo nghal vek a, tukverh leh kawngkhar zawng zawng an vuah kim hman bawk. Class Room hi 30 x 18 ft a liana sak a ni.

September 30 leh October 1 (Inrinni leh Pathianni) hmang khan Arunachal Far East Field –a Missioanry leh an nupui fanau te pualin headquarters Roing DLNBC Compound-ah Retreat ah neih a ni. Speaker-ah Rev R Lalnunzira AGS (Service) hmangin, Retreat Thupui-ah “Hetah hian eng nge i tih”  (I Lalte 19.13) tih chu thupuiah hman a ni. He hunah hian Missionary thawklai te leh an chhungkaw member te an kal kim vek a, an vaiin mi 30 zet an ni.

October 2, 2023khan Boro hnam zinga kan rawngbawlna-a kan thawhpui Bodoland Baptist Church Association te chuan anmahni pual Office thar, Mushalpur-a sak chu hawn a ni. Regional Director Rev. PC Lalnunzira'n Office hawnna leh Pathian hnena hlanna a nei a, Office hi Mushalpur khawpuiah a awm a, a sak nan Rs.   19,91,665 hman a ni a, BCM atang leh Mizoram Kohhran mal leh mimal atangin tanpuina sum engemaw zat hmuh a ni.