October 25, 2022 Thawhlehni-a Social Concern department committee meeting neih chuan Baptist Counselling Centre (BCC) leh tualchhung kohhran hrang hrang counselling centre nei te thawhho leh inzawm dan tur ruahmanna thlirin a pawm a. Department lamin ruahmanna hi umzui tura tih a ni.

October 25, 2022 (Thawhlehni) zan khan Aizawl Area Development Working Committee Joint Meeting vawi 1-na chu Aizawl area a. FW.Savidge hall upper khaltla ah neih a ni a, he hunah hian Aizawl Area Development Working Committee, Aizawl Area BMP Coordination Committee, Aizawl Area TKP Coordination Committee leh Aizawl Area BKHP Coordination Committee hruaitu te an tel a ni.

October 24, 2022 (Thawhtanni) khan  Siaha Youth Centre, Siaha ah Siaha East Pastor Bial Thalai Kristian Pawl rorelna in a lo pawm tawh angin Tawngtai Bethel neih a ni a. He hun hi Rbt. Lalnunkima Pisa, President Bial TKP in kaihruaiin Pathian thu - Johana 3:16 a chhiar in tawngtai bethel hmang tura thalai member kalkhawm te fuihna tawi a nei a, a thlawna SYC hmantirtu ECM KTP Hqrs. te chungah lawmthu a sawi bawk.

October 24, 2022 khan BCM Biak In, Shillong ah Thalai Kristian Pawl Unit, Shillong Unit te buatsaih in 'English Service' hman a ni a, Rev.Dr.Ramengliana, Secretary North East India Christian Council chuan Pathian thuchah sawiin hun a hmang.

Lengpui Pastor Bial TKP te chuan Ni. 21 - 23 Octorber, 2022 chhung khan BCM Biak In Sihhmui ah Bial TKP Meet Cum Crusade hun an hmang. He hun ah hia Rev. R. Lalrintluanga Executive Secretary Aizawl Area chu Speaker ah hmangin crusade hun hman a ni.

October 21-23, 2022 khan BCM Zohnuai East chuan an kum 10-tlinna Anniversary lawm nan Crusade an buatsaih a. Jubilee Crusade Speaker-ah Rev. Dr. Lalzarliana, Director Communications Department an hmang.

Baptist Masihi Mission hmalakna-in Cherhlun leh Thingsai inkara Lobour Camp-ah rawngbawlna neih a ni. Baptist Masihi Mission chuan October 12-14 leh ni 20-23 chhung khan Cherhlun leh Thingsai inkar labour camp ah crusade an nei a. Pathian khawngaihna leh Kohhran hote țawngțaipuina changin mi 13 laiin Baptisma changin  Lal Isua an rinna an puangchhuak. Kuminah hian ringthar 209 kan nei ta a ni.

Administrative Committee October 26, 2022-a thukhawm chuan Baptist Church of Mizoram hnuaia thawk turin a hnuaia hming tarlante hi a la thar.

Nimin, October 20, 2022 (Ningani) tlai dar 2:00 khan Baptist Printing Press Serkawn-a hman tur, Cutting Machine thar chu Pathian hnena hlanna neih a ni a. Khawlthar hlanna hun hi Rev. Dr. Lalzarliana, Director, Literature & Printing Department-in a kaihruai a, khawl thar neih a nih dan report Upa K. Lalnuntluanga, Manager, Baptist Printing Press hnen atangin ngaihthlak a ni.  Khawl thar hi Rev. R. Lalnunzira, AGS-Service-in hawngin Rev. Dr. R. Zolawma, President, BCM-in Pathian hnenah a hlan.

Mizoam Baptist Kohhran Pastoral Ministry Department leh AICS tangkawp in a buatsaih thin Pastors' Refreshers Course chu October 18 atang khan AICS ah neih a ni a. He Refresher Course-ah hian Pastor thawk lai mi 9 thlan niin, damlohna avangin pakhat a tel thei lo va, mi 8-in Refreshers Course hi an zawm a ni.

Vawiin, October20, 2022 chawhma dar 11:00 khan Literature & Printing Department Committee Meeting, Sap Upa & Pu Buanga Hall, Serkawn ah neih a ni a.. Meeting hi Rev. Dr. R. Zolawma, President-in kaihruaiin Committee Sectretary Rev. R. Lalnunzira, AGS Service leh Department Director Rev. Dr. Lalzarliana ten Report tlangpui an pe.

Tunkar, Thawhtanni, October 17, 2022 atanga tanin, October 21, ZIrtawpni thleng awh tur Probationary Pastor, Kum thumna hmang mek, mi 5 te chu BCM Headquarters Office, Serkawn-ah Ministerial Training neihpui an ni a.Minsterial Training hi Department hrang hranga hotuten neihpuiin zirtirna an pe a ni.

BCM Assembly-in 'Mizorama Chanchin tha lo luh dan Documentary Film siam ni se' ti a a rel bawhzuina kal zelah October 14, 2022 Zirtawpni khan Documentary Film Sub.Committee thutkhawm vawi 5-na neih a ni a, hmalak dan tur an ruahhmanna an thlir ho.

October 14-16, 2022 chhung khan Lunglei Area Bru Mission hnuaia thawktute pualin intuatharna (Bru Mission Workers’ Retreat) Baptist Mission School, Zawlpui-ah neih a ni a. He hunah hian Rev. Lalremsiama ralte, Mission Director chu Speaker atan hman a ni a. Speaker hi Pu lalthankunga Sailo, UDC, leh Pu T. Lalnghakliana, Driver. Headquarters Office ten tawiawmin anni bakah hian Nl. LH Liandingpui'n zaia rawngbawlin a tawiawm bawk.

Asia Baptist Women's Union buatsaih Young Women's Leadership Conference chu October 16-19,2022 chhungin Chiang Mai, Thailand ah neih a ni a. India Baptist Women Union (IBWU) kaltlangin MBKHP pawh seat 5 pek ve an nih angin Lalhmingmawii Chongthu (MBKHP Secretary), Lalramthianghlimi (KNP Promoter)   Lalrammawii Thangluah (Asst.Archivist), C. Lalawmpuii (Asst.Project Manager, Chhawmdawlna In) leh Deborah Zonunpuii (Asst.Prof HATIM) te an kal a ni.