November Thawhtanni hmasa ber hi khawvel pum huapa Baptist Kohhran inzawmkhawm (Baptist World Alliance) -a, Womens’ Day of Prayer Day (BWA- Hmeichhia te Tawngtai Ni) a ni a. He ni hi kum tin neih thin a ni.  Kuminah pawh November 7 hian khawvel pumah thupui pakhat “Hnehtu nun” (II Korinth 2: 14) tih hmangin tawngtai programme hman a ni a. Mizoram Baptist Kohhran Hmeichhe Pawl (MBKHP) pawhin he ni hi zawm ve-in chawhma dar 10:00 atangin BKHP member ten mahni Unit theuhah Tawngtai programme hi an hmang a ni.

November 4-6, 2022 chhung khan MBKHP Hruaitu te chuan Paithar Pastor Bial, Saizawh ‘E’ Kohhranah Leadership Training leh Seminar an neihpui a, MBKHP Hruaitute Pi P.C. Lalvohbiki, President MBKHP; Pi V. Lalnunziri Executive Committee member leh Pi V. Zothanbuangi Executive Committee member te an kal a ni. Seminar thupuiah ‘Nu mawhphurhna – Chhungkua leh Kohhranah’ tih hman a ni.

November 3, 2022 (ningani)-a Mission Board thukhawm chuan heng a hnuaia tarlan mi 9 te hi Missionary atan a la a. Mi dang 6 panel list ah a dah bawk.

#BCM Central church ten MP & MH field an tlawh October 17-27, 2022 chhung khan BCM Central Church, Aizawl- Member 11 leh Bialtu Pastor Rev. T. Lalsangvunga te chuan Madhya Pradesh & Maharastra Field (Kurku) an tlawh a. October 17-ah Aizawl chhuahsanin October 19 ah Field Headquarters, Dharni tluang takin an thleng a. BCM rawnbawlna Area-a Kohran hrang hrang 8 tlawh kualin rawngbawlna an nei a October 27 khan tluang takin Aizawl an thleng leh a ni.

November 1, 2022 (Thawhlehni) khan Medical & Health Department Committee Meeting, Sap Upa leh Pu Buanga Hall, Serkawnah neih a ni a. Meeting hi Rev. Dr. R. Zolawma, President-in kaihruaiin Director, Mediacl & Health Department Upa Dr. Lalramzuva’n Department report tlangpui ziakin a pe bawk.

Relief  & Development Department kaltlanga kan rawngbawlpui  Canadian Baptist Ministry, India Team leader Rev Dr. S K Komravalli leh a thawhpui CP Raju te chu October 2-4 chhung  khan Headquarters Office tlawhin an lo kal a. BCM Office ah anmahni lo lawmin AGS Service Rev R Lalnunziran anmahni lawmna thu tawi a sawi a, General Secretary Rev R Lalbiaklianan thilpek a hlan bawk.

October 28, 2022 (Zirtawpni) chawhma dar 11:00 khan Christian Education Department Committee Meeting, Sap Upa leh Pu Buanga Hall, Serkawn-ah neih a ni a. Meeting hi Rev. Dr. R. Zolawma, President-in a kaihruai a,  Committee Secretary, Rev. R. Lalbiakliana’n report tlangpui a pe.

November 1-4 chhung khan Eye Care, Aizawl leh Christian Hospital, Serkawn te tangkawpin  Mit entirna runpui (Eye Camp) an buatsaih a. A tan ni-ah mi 9 an zai a, Nilaini, Ningani, leh Zirtawpni-ah te Mit entir leh mit zai hi chhunzawm leh a ni.

October 31, 2022 (Thawhtanni) chawhnu dar 1:00 khan Revival & Evangelism Committee Meeting, Headquarters Office Committee Hall No 1-ah neih a ni a. Committee Chairman Rev. R. Lalbiakliana'n meeting a kaihruai a, Secretary Rev. Vanlalmuankima'n report tlangpui a pe bawk.

October 31, 2022 (Thawhtanni) khan Baptist Higher Secondary School, Serkawn a thawktu te chuan nilengin Intuaitharna (Reatreat) hun an nei a. Chawhma hunah Rev. L. Vanlalsanga, Director Education Department-in Inkhawm kaihruaiin, Pathian hnena inkawltirna a neih bakah fuihna thuchah tawi a sawi a. Hmasawnna tura infuihtharna leh hmalam hun thlirna te, School Programme leh thiltih hrang hranga hmasawn ngaihna te, School inenkawlna leh inkaihhruaina chungchanga hmasawn tulna te sawihona neiin hun hman a ni.

MBMP hruaitute chuan October 30, Pathianni khan BMP din chhan Campaign nei in, Pangzawl Bial, Bungtlang Bial, Thingsai Bial, S. Vanlaiphai Bial, Leite Bial leh Ṭawipui North Bialah te hetiang hian hun an hmang:

October 29, 2022 (Inrinni)  khan Rev. R. Lalrintluanga, Executive Secretary, Aizawl chuan  BCM Biak in Tanhril, Aizawl chu hawngin Pathian hnenah a hlan a.  Biak In thar hawnna Inkhawm hi Rev. T. Lalawia, Luangmual Bialtu Pastorin kai hruaiin, Tualchhung Kohhran Secretary Upa Vanrosanga hnen atangin Biak In sak dan leh Kohhran dinhmun tlangpui report ngaihthlak a ni.

October 28-30, 2022 chhung khan “Thalai Huaisen” tih thupui hmangin Aizawl Area TKP Meet 2022 chu Baptist multipurpose Centre, Falkland, Aizawlah neih a ni a. Speaker-ah Rev. JC Vanlalluaia, Chairman, ADC, Rev. R. Lalrintluanga, Executive Secretary, Aizawl leh Rev. F. Zorinkhuma, Secretary MTKP te hman an ni.

Tunkar Ningani, October 27,2022 zing dar 10:30 khan BCM Assembly 2022 in a lo phal sak tawh angin Christian Hospital, Serkawn-a hman tur Motor thar Pathian hnena hlanna, BCM Headquarters Office kawt-ah neih a ni a. Motor thar hlanna hunah hian Er. Victor Lalrinawma Sailo chuan Motor thar lei dan report tawi pe-in – Motor man atan Assembly-in a passed chu cheng nuai 11 a ni a. Tuna Motor lei thar hi Bolero B6 model niin Registration tihfelna te nen cheng nuai 10, sing 9, sang 9 leh 705 hman a nih thu a tarlang.

Tunkar Ningani (October 27, 2022) chawhma dar 11:00 khan Sap Upa leh Pu Buanga Hall, Serkawn-ah Fellowship Department Committee Meeting neih a ni a. Meeting hi Rev. Dr. Zolawma, President, BCM-in a kaihruai a. General Secretary Rev. R. Lalbiakliana bakah Department Director Rev. ZD Rodingliana ten Report khaikhawmna leh Committee member te tana hriat tur pawimawh te an sawifiah a. MBMP, MTKP, MBKHP Secretary ten ziakin report an pe theuh bawk.