Higher and Technical Institute, Mizoram (HATIM) chuan July 8, 2024 (Thawhtanni) khan College Auditorium-ah Mizoram University, Under Graduate Examination 2024 a University Top 10 a lang te chawimawina (Felicitation) Programme neiin, Chief Guest-ah Rev. R. Lalnunzira, AGS (Service), BCM an hmang.

July 4, 2024 (Ningani) zing dar 10:00 khan Worship Department hmalakna a Solfa leh Music zirna atana an buatsaih thar BCM School of Music chu General Secretary Rev. R. Lalbiakliana’n a hawng.

July 1, 2024 (Thawhtanni) khan Relief & Development Department hnuaia Skill Training hrang hranga zir chhuak mi 26 pualin R&D Training Centre, Ramzotlang-ah Graduation Day hman a ni a.  Rev. R. Lalnunzira, AGS – Service chu khuallian-ah hman a ni.

BCM Relief & Development Department 28th June, 2024-a thukhawm chuan a hnuaia hming tarlante hi July – December, 2024 chhung atan Tailoring, Computer(DCA-1), Beautician, Baking, & Alluminium & Steel Fabrication zirturin a la a. Heng mite hi 3rd July, 2024(Wednesday) Dar 10:00 AM, mahni Zirna hmun turah theuh in report tur a ni ang.

Kum tinin June 26 hi Khawvel pum huapa Ruihhlo that loh zia inzrtirna leh a darh zel tur laka invenna atan - International Day Against Drug Abuse and Illicit Trafficking atan 1987 atang khan hman a lo ni thin a. Kumin atana hemi Ni hman dan tur chungchang ngaihtuah a District Level Committee on Narcotics Coordination (NCORD) thukhawmin an rel angin Mizorama Kohhran tinin Ruihhlo do leh tih rem kawngah an remchan ang angin hma lo la ve se tiin Lunglei Bawrhsap chuan ngenna a siam a. Mizoram Baptist Kohhran pawhin he ngenna hi dawngin, General Secretary Charge la tu Rev. R. Lalnunzira chuan Tualchhung Kohhran tinah tihhlawhtlin a nih theih nan hma lo la tur leh, June 26, 2024 (Nilai zan) Inkhawm-ah Hemi hun hi hmang theuh turin ngenna a siam a. General Secretary ngenna hi Tualchhhhung Kohhran hrang hrangin tihhlawhtlingin he hun hi an hmang a ni.

Baptist church of Mizoram  leh Baptist Mission Australia te thawh ho na-a Thaizawl, Lunglei District-a Raltlan te tana School an sak chu  June 25, 2024 khan Rev. L. Vanlalsanga Director Relief & Development Department in a hawng. Hawnna Inkhawm-ah hian BCM R&D thawktute  bakah  Thaizawl village council hruaitute, Refugee Camp hruaitute leh Kohhran hruaituten an hman pui a.  Zirlai ten  special item te entirin in hun hlimawm tak hman a ni.

June ni 24, 2024 Thawhṭan zan khan Ṭhalai Kristian Pawl, Lunglawn Pastor Bial buatsaihin BCM Biak In, Salem Lunglei, Kohhran Hall-ah, BCM 5th Planning leh BCM Constitution & Rules zirhona (Semianrt) neih a ni a. Resource person-ah Rev. R. Lalnunzira AGS (Service) an hmang. Bial ṬKP hruaitu office Bearers leh Executive Committee members te leh bial chhung ṬKP Unit tin atangin Executive Committee member chin an kal khawm a, mi 105 zet an tel thei a ni.

Mizoram University-in Degree Course result 2024 a tih chhuah-ah Higher and Technical Institute of Mizoram (HATIM) chuan Result tha tak an nei. Result tlangpui hetiang hi a ni

Mizoram |KP rorel vawi 71-nain “Hriselna chungchanga \halai ten hma kan sawn theihnan hma lak ni se” a tih umzuina hmasa ber atan June 19, 2024 zingkarah Mizoram chhung leh pawna ṬKP member ten ‘HRISELNA ATAN- TLAN’ tih hun an hmang.

Mizoram Baptist Mipa Pawl (MBMP) chuan June ni 17 (Thawhtanni) kha MBMP Environment Day atana a puan angin Zoram dung leh vanga BMP Unit leh Bial hrang hrang ten  thingphun nan leh an phun tawh sa te enkawlna hun atan an hmang. Thawhtan zan BMP Inkhawmah  environment humhalh pawimawhna inzirtirna neih zui a ni bawk.

India Missions Association buatsaihin Zarkawt Prebyterian Kohhan Biak-inah-ah Global Mission Summit – 2024 chu June 11, 2024(Thawhlehni) zan atang khan neih tan a ni a.  Summit thupuiah II Korinth 10:16 thu “ in ram piah lamah pawh Chanchin Ṭha chu kan la hril zêl ang” tih thu hman a ni. He Summit ah hian Mizoram Baptist Kohhran aiawhin AGS-Mission - Rev. Dr. R. Lalthanmawia leh Mission Director Rev. Lalremsiama Ralte te an tel a, IMA Committee member ni lai Pastor te leh Kohhran Upa engemawzat an tel bawk a ni.  Global Mission Summit hi June 14, 2024 (Zirtawp) zah an tiak ang.

Thalai Kristian pawl, Phawngpui West Pastor Bial chuan May 7-9, 2024 hmang khan BCM Biak In, Vartek-ah - Sam No. 103:1 thu – “Aw ka nunna Lalpa chu fak la” tih thupui hmangin Fakna Inkhawmpui an nei a. Speaker-ah Rev. Lallianmawia, Bialtu pastor an hmang. He Fakn Inkhawmpui hi Lawngtlai Area Baptist Choir te, zaithiam Nl. KC Vanlalzami (Aizawl), Tv. R. Laldinpuia (Lawngtlai), Tv. Francis HC Zorammuana (Lawngtlai) leh Nl. LP Zairimawii (Lawngtlai)  ten zaia rawngbawlin an hmanpui a ni.

June ni 8, 2024, Inrinni khan Pangzawl pastor bial rorel thu pass tihlawhtlingin Kohhran upa leh Rawngbawltute pualin seminar neih a ni. Seminar ah hian Rev. PC. Lalmuankima, bialtu pastor chu resource person niin, hruaitu tha nih theih nana pawimawh hrang hrang, Kohhran chawm nana pawimawh hrang hrang, thuhril rawngbawl hna thawhna kawnga inbuatsaih dan tur te zirho niin, sawiho tura chhawp chhuah hrang hrang te sawi ho a ni bawk.

June 7-9 hmang khan BKHP Buarpui South Pastor Bial chuan Bial BKHP Rorel bawhzuiin BCM Biak in, Kawlhawk-ah ‘Siam thar lehna’ tih thupui hmangin Bial huap retreat an buatsaiha a. MBKHP hruaitute atangin Speaker leh Resource Person - Pi F.Lalawmpuii Assistant Secretary leh pahnih - MBKHP Exe.Comt. Member te - Pi F.Lalneihpuii leh Pi HS.Lalmuankimi ten an hmanpui a ni.

Tun hnai a Cyclone tleh avanga  Mizoram hmun hrang hranga leimin avanga chhiat tawkte, In leh lo leh nunna chan chhungkua te chu Mizoram Baptist Kohhran, Relief & Development Department chuan chhawmdawlna cheng nuai 2 leh sang hnih (Rs. 202,000/-) a pe chhuak.   Chhawmdawlna sum hi  Bialtu pastor ten an bial chhunga chhiat tawk te hnenah semin, Bial hrang hrang a chhungkaw 75 leh YMA Branch thenkhat hnenah hnatlang thingpui lumna atan a pek a ni a, Chhiat tawkte dinhmun a zirin tanpuina an pek hi a inang vek lo a ni.