March 1-3, 2024 hmang khân ṬKP Chhipphir Pastor Bial Inkhawmpûi vawi 44-na leh Bial TKP Rorel vawi 50-na chu BCM Biak In, Lungmawi-ah neih a ni a. Inkhawmpui Thupûi-ah Thalaite mamawh Isua Krista ' tih hman a ni a, Speaker ah Rbt. C. Lalnunpuia, Bazarveng, Lunglei hmangin, Bazar Pastor Bial Zaipawl ten Inkhawmpui hi an hmanpui bawk.

Assembly rorel hi Rev. KV Thanga, President in bul a tan a, rorel palai lawmna thu a sawi  zawh a President thar Rev. F. Ramdinmawia hnenah President nihna a hlan a, ani hian rorel a kaihruai nghal a, palai lawmna a bul tanin rorel ni hmasa ber neih chhunzawm nghal a ni. Vawiin rorel-ah hian palai member 1561 in ro an rel a ni.

BCM Rorelna sang ber, Assembly vawi 128-na chu karleh nilaini March 6 atanga Pathianni March 10 chhung hian BCM Biak In, Electric Veng, Lunglei ah  neih a ni dawn a. Assembly thupui hi ‘inpumkhatna’ (Johana 17:21) tih a ni ang. Hun hman dan tur tlangpui kan han tarlang ang e.

Rorel inkhawm hi February 24, Inrinni khan BCM Biak in, Phunchawng ah an nei a, palai 157 kal in, bialtu pastor leh pro pastor ten an telpui thei bawk. Rorel bul lamah 2023-2024 chhunga member boral mi pakhat sunna leh a chhungte tana tawngtaisakna hun hman a ni.

March 3, 2024 (Pathianni) hian BCM Biak In, Electric Veng, Lunglei-ah Pastor lakluhna inkhawm (Induction Service) neih a ni dawn a, Rev. R. Lalbiakliana, General Secretary-in Inkhawm kaihruaiin, Pro.Pastor atana lakluhna hi a nei ang.

February 28 (Ningani) khan R&D hnuaia Self Help Group hrang hrangte pualin group management leh la phiar Training, R&D Training Centre, Ramzotlangah neih a ni. He trainingah hian Lunglei Area-a Self Help Group tin aiawhin Secretary bakah member pahnih theuh an kal.

February 28 –  March 1 hmang khan Bru Baptist Church (BBC) hnuaia thawktute; Pastor, Evangelist te leh thawktu dang te pualin Damparengpui-ah Retreat leh Seminar neih a ni a, Rev. Dr. R. Lalthanmawia, AGS Mission chu Speaker ah hman a ni. Speaker hi Tv. F. Lalrammawia, Production Assistant-in tawi awm in, Bru Baptist Church Bihchianna TV programme a buaipui a, Nl. KC Vanlalzami, BCM Chaltlang, Aizawl-in zaia rawngbawlin a tawiawm bawk.

Feb 24 leh 25, 2024 hmang khan Christian Education Department buatsaihin Cherhlun Pastor Bial, Vathuampui Pastor Bial leh CBC-Marpara-ah te Sunday School Training leh hetiang hian neih a ni:

February 24, 2024 khan Lawngtlai Area ṬKP Co-ordination Committee, Blood Donation Calendar siam zul zui in, ṬKP Chandmary Unit, Lawngtlai te chuan an unit Golden Jubilee pualin thisen pek runpui an nei a. Thisen Unit 14 (Mipa 7 leh Hmeichhia 7) an pe a ni.

February 26-29 chhung khan Baptist Church of Mizoram te, Chin Baptist Association of North America – USA te, Institute of Chin Affairs te, Seattle Chin Pawlpi, USA te leh BCM Bethani, Aizawl te thawhhona-in Zokhawthar-a raltlan te leh Kohhran te tan Medical Free Clinic thawh hnihna neih a ni a.

February 24 leh 25 hmang khan BMP S.Vanlaiphai Pastor Bial chuan “Rorelna Dik” ( Amosa 5:24) tih thupui-a hmangin, BCM Biak In, Ebenezer, Darzo-ah Bial BMP Inkhawmpui vawi 2-na an nei a, Pu Lalnunsanga Pachuau, MBMP Treasurer chu Speaker-ah an hmang a, zaithiam pahnih Nl C. Vanlaldini leh Pu Lalvulmawia Rahsiveng ten zaia rawngbawlna nei in an tawiawm.

February 23-25 hmang khan Jampui Sakhan Baptist Association (JSBA) Inkhawmpui vawi 106-na Behliangchhip Tripura-ah neih a ni a. He inkhawmpui hmanpui hian General Secretary - Rev. R. Lalbiakliana, Upa R. Lalbiakmuana leh BCM Choir te an kal a. General Secretary hian Pathianni zing-ah ‘I ram lo thleng rawh se, Kohhran-ah’ tih leh Pathianni zanah ‘I ram lo thleng rawh se, Khawtlang leh nun honaah’ tih thupui hmangin thuchah a sawi a, inkhawm apiangin BCM Choir ten zaia rawngbawlna an nei thin a ni. Inrinni zanah TBCU aiawh-a palai, BCM pastor Rev. B. Rothangpuia, Tripura Field Director a awm mek in ‘I ram lo thleng rawh se – Mimal nunah’ tih thupui hmangin thuchah a sawi bawk.

Mizoram Baptist Mipa Pawl (MBMP) hnuaia Environment Sub-Committee buatsaihin February 25, 2024 (Pathianni) chawhnu khan BCM Hall Serkawnah Lunglei khawpui huamchhunga BMP-te pualin Environment Awareness Campaign leh Environment humhalhna kawnga Essay inziahsiak result puan leh lawmman semna neih a ni a, bial leh unit aiawh BMP Member 200 zet an kalkhawm a ni.

February 22, 2024 (Ningani) Dar 10:00AM khan Mizoram Ṭhalai Kristian Pawl (MṬKP) rorèl vawi 70-na, BCM Biak In, Gilgal, Theiriat-ah neih a ni a, rorêl palâi 573 kalin, palai riak lùt hi mi 189 an awm.  Rorêl hi President Upa R. Lalrochama’n kaihruaiin, kum kal tàa ṬKP member ropuina rama kalte mi 173 (Mipa 150 leh hmeichhia 23)  sûnna hun hman a ni a, Rev. ZD Rodingliana, Director, Fellowship Department-in an kalsan chhûngkua leh rawngbâwlpuite tâna ṭawngṭàisakna hun a hmang.

February 10-18 chhung khan Mizo Christian Fellowship of Malaysia te zing ah rawngbawlna hi neih a ni a, an hun hmanna hi Kualalampur Baptist Church ni in, Chinese Baptist ho biak in a ni. Member hi 250 atanga 300 vel ni in, member lut chhuak hi an awm ve deuh reng a ni. Malaysia mizo baptist te zinga rawngbawla hun hman a nih chhung hian chhun lamah Bible Study vawi hnih zel neih thin a ni a, hetah hian mi 20 atanga 30 regular takin an tel thin a. Zan lamah Pathian biak inkhawm hun hman thin a ni a, hetah hian mi 80 atanga 100 an kalkhawm thin bawk. Bible Study leh Pathian biak inkhawm bak ah hian leadership training leh mission rawngbawlna kawnga hmalak dan tur inrawn hona hun te neih a ni bawk.