June 2, 2023 (Zirtawpni) chawhnu dar 2:00 khan Headquarters hruaitute leh Baptist Higher Secondary School, Serkawn Zirtirtute chuan BCM Hall, Serkawn-ah BHSS hmasawnna tur leh than zelna atana pawimawh te sawiin inkawmhona an nei.

June 1 leh ni 2 chamin Canadian Baptist Ministry (CBM) hotute - Pu Chellem Purushotham Raju leh Pu Inkummeren Jamir te chuan BCM Headquarters, Serkawn an rawn tlawh a. R&D hotuten lo dawngsawngin, BCM hruaitute nen inhmelhriattirna leh inkawmna hun tha tak an nei a. CBM hotute hian R&D leh CBM te thawhho na hnuaiah Sustainable Community Development kalpui mek te a hmuna an enpui a. Lunglei-a Beautician Training centre te, Zawlpui leh Boliaveng-a Lo leh huan neitute an tlawh pui an ni, Nl. T. Lalfawnveli, Asst.Coordninator leh Pu Lalrinkima, Project Accountant ten an tawiawm a ni.

June 3-4 khan Cherhlun Pastor Bial chuan “Pathian nung Fakna” tih thupui a hmangin Bial huap Fakna inkhawmpui, BCM Kalvari, Cherhlun-ah an nei a. Speaker atan Rbt C. Lalnunpuia (BCM Bazarveng) chu hman niin, Lunglei Bazar Pastor Bial Zaipawl leh Nl C. Lalrindiki (BCM Bazar Veng) ten zaia rawngbawlna an nei bawk.

June 2, 2023 (Zirtawpni) khan BKHP Shillong Pastor Bial chuan BCM Biak In, Shillongah tunlai khawvela Issue lian tak mai - neih inang inkawp leh LGBTQ chungchang-a Bible zirtirna leh Nu ho ten an fate hemi lama zirtirna an pek dan tur inkawhhmuhna leh zirhona (Seminar) an nei a, Resource Person-ah Bial BKHP President - Pi F. lalengmaii an hmang.

BCM Assembly-in Baptist Camping Centre buatsaih ni se ti-a a rel bawhzuiin, Administrative Committee chuan Ramzotlang-a R&D Complex hlui chu Camping Centre-a hman turin a ti a. Hemi atan hian Building thuam that leh hmunhma buatsaih hna hi Lunglei Khawpui chhunga Kohhran hrang hrang te a inchhawkin hnatlang an thawk a.....

May 28 Pathianni khan Zemabawk pastor Bial KNP Inkhawmpui Committee ten ruahmanna an siam angin Tuirial Airfield Kohhran-ah KNP chungchanga hriat tur pawimawh leh KNP kalphung leh dinchhan te Kohhrante hnenah sawia inzirtirna hun neih a ni a. Speaker-ah Upa Lalfakzuala Khiangte, KNP Trainer (BCM Ramhlun North, Aizawl) hman a ni.

# May 27 leh 28 hmang hian Lungchem Pastor Bial chuan Rev. Dr. R. Lalthanmawia AGS Mission Speaker-a hmangin BCM Kalvari, Changpui-ah Mission Convention an nei. May 28 (Pathianni) hmang khan Haulawng Pastor Bial chuan, Mission Weekend Programme BCM Bethel-ah an nei a. Speaker-ah  Rev. Lalremsiama Ralte, Mission Director an hmang.

May 26-28 hmang khan Thalai kristian pawl, Lawngtlai ‘S’ Pastor Bial  chuan  Sam 146:1 ‘Lalpa chu fak rawh u’ tih thupui hmangin BCM Biak In, Chanmary, Lawngtlai-ah Fakna Inkhawmpui an nei a.  Speaker-ah Rev.Dr.H.Lalthlamuana ES,Lawngtlai Area,  Rev.K.Laldosanga – Bialtu pastor Lawngtlai South, Rev.Lalzarliana Khiangte– Bialtu pastor, Lawngtlai East leh Rev.Lalbiakhlua Chawngthu – Bialtu pastor Lawngtlai North Pastor bial te hmangin thuchah vawi khat theuh an sawi a ni.

May 31, 2023 (Nilaini) chawhnu dar 2:00 khan Superannuation pension-a chhuak tur -  Pi K. Zolawmi, Baptist Church Orphanage-a Mother thlahna, BCO building-ah neih a ni a. He hunah hian Rev. L. Vanlalsanga, Director, Social Concern Department-in hmanpuiin, BCM thawktute leh naupang te nen hun an hmang a ni.

May 26, 2023 (Zirtawp) zan atanga tanin India hmar chhak Kristian Hmeichhe Pawl inzawmkhawm North East India Christian Council, Women Assembly (NEICC-WA) Inkhwmpui vawi 14-na chu MBKHP-in BCM Biak In, Venglai, Lunglei-ah an  thleng a. Inkhamwpui thupuiah Sam 126:3 thu - “Lalpan thil ropui tak te min tih sak a, kan lawm hle a ni” tih thu hman a ni.

Mizoram Ṭhalai Kristian Pawl rorel na in 'Ruihhlo ṭhat loh zia inzirtir na neih nise' a tih angin MṬKP chuan Sub-Committee te din chak takin hma a la mek a. Hmalakna pakhat atan ni 26 May, 2023(zirtawpni) khan Baptist English School, Serkawn ah Nl Lalropuii Renthlei, Councellor, Grace Society, Resource Person a hmang in 'Ruihhlo ṭhat loh zia inzirtirna' neih a ni.

May 29, 2023 (Thawhtanni) hi Kohhran Ni Pawimawh – TKP Ramthim Ni a ni a. TKP Unit tinah he ni hi urhsun takin an hmang leh dawn a ni. Kumin TKP Ramthim Ni Thupui chu “Krista Thuhretu Rinawm" (TT 1:8) tih a ni ang. TKP Ramthim Ni-ah hian zan lamah inkhawm awmin, Inkhawm Thawhlawm chu Bial TKP kal tlangin MTKP Fin.Secretary hnen–ah thehluh tur a ni ang. MTKP Hruaitu (OB) te pawh he hun hmanpui tur hian Unit leh Bial hrang hrangah an kal chhuak dawn a ni.

Vawiin, May 26, 2023 (Zirtawp) zan atanga tanin India hmar chhak Kristian Hmeichhe Pawl inzawmkhawm North East India Christian Council, Women Assembly (NEICC-WA) Inkhwmpui vawi 14-na chu MBKHP-in BCM Biak In, Venglai, Lunglei-ahan thleng mek a. Inkhamwpui thupuiah Sam 126:3 thu - “Lalpan thil ropui tak te min tih sak a, kan lawm hle a ni” tih a ni ang.

May 24, 2023(Nilaini) khan Baptist printing Press a hman tur, Khawl thar pahnih Heidelberg Offset leh Perforating Machine te chu Pathian hnena hlanna neih a ni a. He hunah hian Baptist printing Press-a thawktute bakah Headquarters-a Department hruaitute an kal khawm a ni.

Tunkar Pathianni, May 28   hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni Thupui chu Tirhkohte Thiltih 19:2 thu “Thlarau Thianghlim in chang em? tih a ni ang.