ṬKP Thenzawl  Pastor Bial  te chuan ni Bial TKP din champhaphak vawi 25-na (Silver Jubilee) chu March 21, 2023 ( Thawhlehni ) khan Bial pum huapin BCM Biakin Bethlehem Thenzawl-ah an lawm a, Jubilee thupuiah "Min Hruaitu Lalpa" tih thu hmangin, Speaker-ah Rev. David Lalmalsawma Sailo, Bialtu Pastor hman a ni.

March 17 leh 18, 2023 (Zirtawpni leh Inrinni) khan Higher & Technical Institute, Mizoram (HATIM) chuan Thalaite thiam thil haichhuahna leh phochhuahna atan HATIM Campus, Kawmzawl-ah Hill-Fest an buatsaih a. Zirlaite leh thalai te, naupang ten an hlutin tlawhtu leh chhimtu an thahnem hle.

March 21, 2023 (Thawhlehni) khan Mizoram Baptist Mipa Pawl (MBMP) Executive Committee Meeting chu Sap Upa leh Pu Buanga Hall, Serkawn-ah neih a ni a. Meeting thurel zingah – kum 2023 BMP Day thawhlawm chu AICS tanpui pek ni se tih te, MBMP Rorel thu pass angin Rampum huapa tawngtai rual chu BMP Day, May 4 zan inkhawm hunah Unit tinah neih ni se tih te, Environment humhalh kawnga hmalak chungchang te relin a bawhzuitu tur sub.committee an din a, kum 2024 BMP thuzir atan BCM thurin puan chhuah’ tih chu an thlang a, MBMP Rorel-in a passed,BMP Chanchinbu kum khata vawi 4 tih chhuah tur atan Editorial Board member tur an ruat nghal bawk.

#ṬKP Lawngtlai North Pastor Bial chuan March 14-17, 2023  chhung khan BCM Biak In Hruitezawl-ah Work Camp neiin, Biak In bang Brick rem leh Tukverh Chokut te siamin hun an hmang a. Work Camp ah hian mi 25 (mipa 20 leh Hmeichhia 5) kal in, tluang takin an hnathawh tura ruahman te thawk zovin hun an hmang a ni. BCM Hruitezawl Kohhran-ah hian chhungkaw 44 an awm mek a, Kohhran member 234 an ni. Kum eng nge maw chen kal ta aṭangin Baptist Mission School changtlung tak din niin BCM Missionary ten an awmchilh a ni.

Christian Education Deparment ruahmanna angin March 18 leh 19 chhung khan Pastor bial hrang hrang leh Tualchhung Kohhran ah te Sunday School Seminar leh Training hetiang hian neih a ni a:-

March 18-19, 2023 chhung khan  BKHP Damdep-II Unit, Damdep Pastor bial chuan  BKHP din champhaphak vawi 50-na (Golden Jubilee) an hmang a. Jubilee thupuiah – ‘Rintlak Pathian’ tih hmangin, Spekar-ah MBKHP Secretary, Nl. Lalhmingmawii Chongthu an hmang.  Speaker bakah hian MBKHP hruaitute atangin - Executive Committee member pahnih – Pi ZD.Vanlaldiki leh Pi C.Sapsangi ten Jubilee hi an hmanpui bawk.

March 19, 2023 (Pathianni) khan Communications Department chuan Lunglei East ABC chhunga tualchhung Kohhran hrang hrang 5-ah Communication & Literature Campaign Campaign hetiang hian an nei.

Rev R Lalnunzira AGS (Service) chuan March 17, 2023 khan Bethel Kohhran, Haulawng-ah Upa leh Rawngbawltu leh Fellowship hruaitute pualin Leadership Training a neih pui a. Kal thei mi 70 zingah mi 56 zet an kal. March 18, Inrinni khan TKP Ramzotlang Unit Hruaitute pualin Leadership Training Jubilee Bible School Serkawnah a neihpui bawk a, hetah hian mi 37 kal tura beisei atanginh mi 30 an kal khawm a, hlawk takin hun an hmang a ni.

March 17 - 19, 2023 chhung khan Thalai Kristian Pawl, Siaha East Pastor Bialte chuan BCM Biak In, Siahatla-ah Inkhawmpui vawi 9 na leh rorel vawi 27-na an nei a, Inrinni-ah rorelna neiin, Rbt. Lalnunkima Pisa, President in a kaihruai a, an thu rel zingah-  Ram ngaw humhalh nan leh tuihna humhalh nana thingphun te, District Hospital, Siaha-ah Bial TKP hminga thilpek leh Missionary support atana sum dah tihte a tel a, budget atan Rs. 129500/- an pawm. Kum 2023 - 2025 chhung atan Bial TKP hruaitu tur hetiang hian an thlang a:-

March 18, 2023 Inrinni khan TKP, Lawngtlai East Pastor Bial te chuan Kum 2022 a Bial TKP rorel ‘Vantlang tan Ni khat thil tha tih’ tih thu bawhzuiin hnatlang an nei a. He hunah hian Lawngtlai khawpui tui lakna leh chawmtu ber Chengkawl lui hnar leh Chengpawngli tihfai hnatlang an nei a, Bial TKP President Rbt Jessy Lalchhandama'n hnatlang tura thawkchhuak member te fuihna neia tawngtaina hun a hman hnu in hnatlang hi tan a ni a, bial chhung unit TKP member ten an ngaipawimawhin, mi 100 chuang zet an thawkchhuak a ni.

March 18 - 19, 2023 chhung khan ṬKP Serchhip Pastor Bial chuan Fakna Inkhawm BCM Biak In, Serchhip ah an nei a. MṬKP Secretary Rev. F. Zorinkhuma Speakerah hman niin, Executive Committee Member - Pu P.C. Lalbiakdika leh Tv. Lalremkima te bakah BCM Zion Kohhran Zaipawl, Ramthar, Lunglei ten an tawiawm. Fakna inkhawm ah hian Zorema Khiangte pawh sawm a nih anga tel in, a ni bak ah hian Bial chhunga Zaithiamte leh Bial chhung Kohhran Zaipawlte nen he Fakna Inkhawm hi hman a ni.

March 18 - 19, 2023 chhung khan ṬKP Serchhip Pastor Bial chuan Fakna Inkhawm BCM Biak In, Serchhip ah an nei a. MṬKP Secretary Rev. F. Zorinkhuma Speakerah hman niin, Executive Committee Member - Pu P.C. Lalbiakdika leh Tv. Lalremkima te bakah BCM Zion Kohhran Zaipawl, Ramthar, Lunglei ten an tawiawm. Fakna inkhawm ah hian Zorema Khiangte pawh sawm a nih anga tel in, a ni bak ah hian Bial chhunga Zaithiamte leh Bial chhung Kohhran Zaipawlte nen he Fakna Inkhawm hi hman a ni.

Financial Year 2022 – 2023 chu  Pathian  hruainain  kan  lo  hmang zo  tep  ta  a,  hemi chungchangah hian Tualchhung Kohhran tinte Pastor Bial kaltlanga Target kan thehluh hun chungchangah a hnuaia tarlan ang hian ngenna siam a ni:

Lunglei Municipal Council hruaitu turte inthlanna (election) hmasa ber March 29, 2023-a neih turah Mizoram Baptist Kohhran chuan a hnuaia tarlan ang hian thuchah a siam:

March 13-14 chhunga neih Baptist Church Trust Association, hnuaia Hmeichhe pawl - Sankalp Women Alliance for Action on Ground (SWAAG)te chuan Bhubaneshwar, Odhisa-ah Annual Meeting an nei a.  He Meeting-ah hian BCM aiawhin Thawktu pahnih – Nl. Lalrammawii Thangluah, Asst.Archivist leh Nl. C. Lalawmpuii, Counsellor, Chhawmdawlna In te an kal. Anni pahnih hi BCTA-Women Wingah hian Executive Committee member an ni nghe nghe a ni.