September 25, 2024 (Nilaini) zing dar 10:00 khan BCM Hall, Headquarters Office, Serkawn-ah Kohhran Upa Exam Result 2024 tih chhuah a ni a. Rev. Vanlalmuankima, Director, Pastoral Ministry Department in he hun hi kaihruaiin, report tlangpui a pe nghal a, General Secretary Rev. Dr. R.Lalbiakliana’n Result tlangzarhin, Pathian hnena lawmthusawi tawngtaina-in hun tihtawp a ni.
September 20,2024 (Zirtawpni) chhun dar 12:00 khan Mizoram Baptist Kohhran, Cheural, chuan an Biak In thar chu BCM President Rev. F. Ramdinmawia’n hawngin Pathian hnenah a hlan. Pu Lalruatkima, Administrative Officer-in he hun hi hmapuiin chibaibukna a sawi a, Biak In sakna tura Concept drawing leh Architectural design zawng zawng siam sak tu Upa T. Lalhlimpuia, BCM Venglai pawh an sawm angin Biak In hawn programme hi hmanpuiin, lawmpuina thu a sawi bawk.
Mizoram Baptist Kohhran rorelna sang ber Assembly 2024-in 12th Pay Commission din a rawt angin, 12th Pay Commission chu a vawi hnihna atan September 17, 2024 khan General Secretary Room, Headquarters Office-ah an thukhawm.
September 17, 2024 khan Mizoram Nursing Council chuan General Nursing Midwiferym(GNM) result 2024 a ti chhuak a. Tun tum result tih chhuah-ah hian School of Nursing, Christian Hospital Serkawn chuan result tha tak neiin, Candidates 60 atangin mi 49 (81.6% ) in hlawhtlinna changin, an zinga mi 11 te To-Ten-ah an lang a. Top-ten-a lang zingah hian Second Year zirlai Lalbiakliani chuan Mizoram pumah pakhatna a hauh a ni
BCM hnuai a thawk lai, Probationary Pastor kum khatna, kum hnihna leh kum thumna te chuan tunkar Thawhlehni, September 12 khan Sap Upa leh Pu Buanga Hall, Serkawn-ah Annual Exam an nei a, tun tumah hian kum khatna mi 5, kum hnihna mi 9 leh kum thumnaah mi 5, an vaiin mi 19-in exam hi an bei a ni.
September 12, 2024 chhun dar 12:00 khan Baptist printing Press a hman tur, Printer thar pahnih chu Pathian hnena hlanna neih a ni a. He hunah hian Baptist printing Press-a thawktute bakah Rev. Dr. R. Lalbiakliana, General Secretary leh Rev. R. Lalnunzira, AGS-Service te an tel a ni.
Vawiin, September 13, 2024 (Zirtawpni) khan Mizoram Kohhran Inpumkhatna atana Kohhran hrang hrang aiawh te chu BCM Hall, Baptist Church of Mizoram, Headquarters Office, Serkawn-ah an thukhawm a. Tun tumah hian Mizorama Kohhran pawl hrang hrang aiawh mi 41 an tel thei a ni. Meeting hi Committee Chairman, Rev Vanlalnghaka, Moderator, Presbyterian Church of India, Mizoram Synod-in a kaihruai a, Committee Secretary - Rev. Dr. R. Lalbiakliana, General Secretary, BCM-in report a pe.
Mizoram Baptist Kohhran Administrative Committee September 6, 2024-a thukhawm chuan a hnuaia hming tarlan hi Accountant (contract) hna thawk turin a la thar.
Mizoram Baptist Kohhran Pastoral Ministry Department hnuaia Kohhran Upa exam Board ruahmanna-in Vawiin, September 6, 2024 (Zirtawpni) khan Kohhran Upa exam a buatsaih a. Exam hi Pastor bial tinah Bialtu Pastor leh Bial puipa-te kaihhruaina-in neih a ni. Kuminah hian Pastor bial 69 atangin Kohhran Upa atana thlan thar, Tualchhung Kohhran hrang hrang atangin mi 184 report dawn a ni a.
Assembly Rorel 2024 thu passed bawhzuiin Administrative Committee-in ruahmanna a siam angin September 7, 2024 (Inrinni) dar 11:00 am – 3:00 pm chhung hian Tualchhung Kohhran tinah Awmni Khamin Ram tana tawngtaina neih tur a ni a, Tualchhung Kohhran tin te he Ni hi urhsun taka hmang turin General Secertary chuan a chah a ni….
Baptist Church of Mizoram chuan a hnuaia Motor Vehicles hi tih ral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang. Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang.
September 1, 2024 (Pathianni) chawhnu dar 1:00 khan BCM Biak In, Chanmari, Aizawl-ah Ṭhalai Kristian Pawl, Aizawl East Pastor Bial chhunga Unit hrang hrang parukte tan 'Bible Quiz' inelna buatsaih a ni. Bible Quiz hi Rbt. V. Vanlalropuia, Asst. Secretary-in kaihruaiin, Upa. H. Lianmawia, Senior Adviser-in hunserh a hmang bawk. Quiz Master atan Rbt. Lalzarzova, Vice President hman a ni a, Genesis leh Thupuan bu aṭangin inelna hi neih a ni
Paithar Pastor Bial BKHP rorel-in Seminar cum Leadership Training neih a lo pass tawh angin, August 30, 2024 (Zirtawpni) khan nilengin BKHP Seminar & Leadership Training an buatsaih a. Resource person-ah MBKHP hruaitu te sawmin, Secretary, Nl Lalhmingmawii Chongthu leh Executive Comt member pahnih Pi K.Vanlalpari leh Pi HC.Pari te kalin hun an hman pui a, Bial chhung Unit hrang hrang atangin member 59 an kal khawm a ni.
Spetember 4, 2024 (Nilaini) khan Mizoram Baptist Kohhran Revival & Evangelism Committee buatsaihin Sap Upa leh Pu Buanga Hall, Headquarters Office, Serkawn-ah BCM Recognised Team Speakers Meet neih a ni a. Resource person-ah Upa PC Lawmkunga, BCM Shalom, Missionvengthlang Bial leh Pi Lalnunzami Chawngthu, Manager Baptist Chhawmdawlna In hman an ni.
November 3, 2025 (Thawhtanni) khi Baptist World Alliance- Hmeichhia te Ṭawngtai Ni (BWA Womens’ Day of Prayer) a ni a. He ni hi kum tinin November Thawhţanni hmasa berah hman ţhin a ni. Mizoram Baptist Kohhran Hmeichhe Pawl (MBKHP) pawhin BKHP member te’n mahni Unit ţheuh-ah Ṭawngţaina hun hi an hmang dawn a ni. …
November ni 2, 2025 (Pathianni) hi khawvel Sunday School Ni a ni a, he Ni hi Mizoram Baptist Kohhran chuan kohhran tinah Pathianni zing inkhawmah thupui thlansa hmangin urhsun takin a hmang ţhin a. Kumin Khawvel Sunday School Ni thupui chu “Pathianthu I zir ang u” (Hebrai 4:12, Johana5:35) tih a ni. Hemi ni hian Sunday School lamah pawh Khawvel Sunday School Ni puala zir tur buatsaih chu zir a ni ang. …
