Mizoram Baptist Kohhran huang chhunga tawngkam hman dan leh thuziak dan kalphung te inangtlanga hman a nih theih nan ‘Baptist House Style’ buatsaih ni se ti-a 2023 Assembly in a rel bawhzui tura ruat Sub-Committtee in a buatsaih leh ruahman chu peihfel a ni tawh a. He inkaihhruaina hi lehkhabu-a chhuah a nih hma in Sub-Committee ruahmanna in February 8, ningani khan Committee Room No.1, Headquarters Office Serkawn ah inrawnkhawmna neih a ni a.

MBKHP ten Christian Hhospital tanpui nan unit tin vawikhat fehchhuaha an sum hmuh Rs 909,068/- chu Christian Hospital, Lawngtlai Poor Patient Fund atana pek tura an rel angin, February 4, 2024 (Pathianni) khan MBKHP hruaitute  - Dr. Zoramthangi, Fin.Secretay leh Rbt. V. Biaklawmi, Asst. Secretary te Lawngtlai-ah kalin an hlan

Mizoram Baptist Mipa Pawl Rorel Vawi 3-na chu vawiin, February 9, 2024 khan BCM Biak In, Ebenezer, Zobawk South Pastor Bial-ah neih a ni a. Rorel inkhawm hi MBMP President Rbt. Chawngrolura Chawngthu-in a kaihruai. Rev. H. lalfakzuala, Secretary bakah Pu Lalnunsanga Pachuau, Treasurer leh Pu Vanlalpeka, Fin.Secretary ten sum dinhmun report an pe bawk. Kumin MBMP Rorel-ah hian Mizoram hmun hrang hrang Bial leh Unit BMP aiawh rorel palai member 414 an tel thei a, hun hmasa lamah kum 2023 Rorel leh Kumin rorel inkara BMP member chatuan ram pan ta te sunna neiin, Member boral 271 sun an ni.

Mizoram Baptist Kohhran Chanchin-a rahbi tam tak lo chhu tu Rev. B. Thangchina chuan February 2, 2024 zing dar 2:40 khan kum 84 mi niin khawvel chhuahsanin a rawng a lo bawl thin,  Lalpa hnenah a chawl ta. Hemi ni vek, chawhma 11:00 ah a chenna inah thlahna neih a ni a, Rev. R. Zohmingliana, Kohhran Chairman-in a kaihruai a, chhungkaw aiawhin Rev. Dr. B. Lalramhluna’n thu a sawi.

January 27, 2024 (Inrinni) zing karah khan Aizawl Area Development Committee leh BCM R&D tangkawpin Sihhmui, Sairamg, Lengpui, Khamrang leh Aizawl khawpui chhunga Raltlan awm te tanpuina Baptist Centre, Falkland-ah sem a ni a. Area Development Committee member te leh Bial leh Tualchhung Kohhran hruaitu te, Area ṬKP Coordination hruaituten an ṭawiawm a ni.

Fenbruary 1 (Ningani) chawhnu dar 2:00 khan Committee Room No. 1 Hqrs. Office, Serkawnah Fak lam Intihsiak Sub.Committee Meeting neih a ni a, tun tumah hian Fak lam Intihsiak kal mek Final hun leh tul hrang hrang te an ngaihtuah a ni.

Department of Social Work, HATIM leh Relief & Development Department tang kawp-in January 31, 2024 (Nilaini) chawhma dar 11:00 khan Higher & Technical Institute, Mizoram (HATIM) a zirlaite pualin HATIM Auditorium-ah Leadership & Team Management Workshop buatsaih a ni

January ni 30, 2024 (Thawhlehni) khan Mizoram Ṭhalai Kristian Pawl Executive Committee Meeting Vawi 545-na chu Sap Upa leh Pu Buanga Hall, BCM Hqtrs.Serkawn-ah neih a ni a, Meeting hi Upa R. Lalrochama, President MṬKP chuan kaihruaiin, MṬKP Secretary Rev. F.Zorinkhuma'n MṬKP rorel bawhzuina leh hmalakna hrang hrang report a pe a. Report kim chang hi rorel member te hnenah ziaka sem a ni. MṬKP Treasurer Nl. J.Lalrintluangi chuan sum hman dan ziakin report a pe a, Tv. Lalruatkima, Fin.Secretary MṬKP pawhin sum hmuh dan ziakin report a pe bawk.

January 26-28, 2024 khan Bru Baptist Church Hmeichhe Pawl (Bru Baptist Broi Dol) Inkhawmpui vawi 6-na chu West Bunghmun-ah ‘Kristian Chhungkua’ tih thupuia hmangin neih a ni a. He Inkhawmpui hmanpui hian MBKHP hruaitute – President – Pi Pc Lalvohbiki leh ExecutiveCommittee member pahnih Pi C. Zonunsangi leh Pi V. Lalnunziri te palaiin, inkhawmpui hi an hmanpui a ni.

Mission Board Meeting No-60, 1st February, 2024 (Thursday) a neih chuan heng a hnuaia missionary-te hi an awmna hmun tur a siam thar a, Movement Order chu la in hriattir leh tur a ni ang.

January 27, 2023 (Inrinni) khan Ṭhalai Kristian Pawl (ṬKP) Lawngtlai North Pastor Bial chuan BCM Biak In, Peniel Thingkahah  Bial chhung unit ṬKP Executive Committee Member te pualin  Leadership Training an buatsaih a,  bial chhunga unit  hrang hrang aṭangin member 63 an kal khawm a ni.

District Election Officer, Lunglei District buatsaihin College leh Higher Secondary School Level Quiz Competition ah Electoral Literacy Club, HATIM te chu pakhatna an ni a, Intihsiakna thupui hi "The Conduct of Election Rules 1960, Registration of Electors Rules 1960, Election Commission of India, General Knowledge" tih a ni a. JB Zonet Studio, Lunglei ah Ni 23 January, 2024 khan neih a ni..

January 25, 2024 (Ningani) khan B. Sanghnuna Conference Hall, Christian Hospital, Serkawn-ah Pastoral Department buatsaih 'Pastoral Caunseling & Chaplaincy Training' kharna inkhawm neih a ni a, Inkhawm hi Rev. Vanlalmuankima, Director, Pastoral Deparmtent-in kaihruaiin, Rev. Zonunvula Ralte, Chaplain, Christian Hospital, Serkawn-in Pathian hnena inkawltirna hunserh a hmang a, Rev. R. Lalbiakliana, General Secretary-in Training chhuak te Certificate hlanin thu a sawi

Tunkar Nilaini, January 24 khan BCM Lungpuk chuan an Kohhran kum 25 tlinna Silver Jubilee an lawm a. Headquarters atangin Communications Director Rev. Dr. Lalzarliana leh Kohhran Beng leh Baptist Today Editor Rev. Dr. F. Lalsangliana te, Pu Lalhriatpuia(Driver) leh Pu FC.Lalhualhima, Production Assitant, Lawngtlai ten hmanpui.

Pathianni liamta, January 21, 2024 kha Sunday School pawl siamrem ni atan hman a ni a. Hemi ni zing inkhawm banah Tualchung Kohhran tinah Sunday School kai turte hming ziak leh pawl siam rem nan hmangin, zirlai bu te sem chhuah a ni a. Tun Pathianni, January 28 atangin Sunday School zirlai hi zir tan a ni ang.