November 13, 2023 (Thawhtanni) zing dar 8:30 khan Mizoram chhim lam, Mara ram, Lakher hnam zinga Zo sap Missionary hnuhnung ber, Rev. Violet Louise Anne Mark (Pi Vaili) kum 85 chu November 13, 2023 zing dar 8:30 khan a chenna in, Saikao (Serkawr) ah a boral a. November 15, 2023 (Nilaini) khan Serkawrah thlah liam a ni.
November 10-12 hmang khan BKHP Mamit Pastor Bial te chuan BCM Biak In, Dapchhuah-ah Inkhawmpui an nei a, thupui ah “Lalpa lo kal lehna” tih hmang in mi hrang hrang hnen atangin thuchah ngaihthlak a ni.
Saisawm Sazai Baptist Association (SSBA) hruaitu mi 19 te chuan November ni 14-19 chhung khan BCM Headquarters rawn tlawhin kohhran chanhcin an zir bak ah kohhran zirna in leh hmun pawimawh hrang hrang te fang kualin hun an hmang
Tunkar thawhlehni atanga zirtawpni, November 14-17, 2023 chhung khan Christian Hospital Serkawn-a thawktute chuan Rev. VL Nithanga speaker-a hmangin thawktu te leh zirlai te pualin intuaitharna (Retreat) an nei a. Thawktute batch hnih-ah inthenin, Damdawi in inenkawlna leh duty ti buai lovin Retreat hi an hmang a ni.
November 17-19, 2023 hmang hian Asia Pacific Baptist Federation (APBF) kum 50-na (Golden Jubilee) lawmna International Baptist Church, Singapore-ah neih mek a ni a. Golden Jubilee thupui-ah “Imagine the Future Together” tih chu hman a ni
November 12 (Pathinni) chawhnu dar 1:30 khan BCM Central Church Kohhran Hall-ah Mizoram BMP Media Cell buatsaihin Media Campaign neih a ni a. Aizawl khawpui chhunga Bial leh Unit aiawh mi 70 chuang zet an kal khawm a ni.
November 11, 2023 (inrinni) khan Mizoram Baptist Kohhran leh Asia Pacific Baptist Aid te bul tumin Thaizawl Refugee Camp-ah Medical Camp hi buatsaih a ni a. R&D Department leh Medical & Health Department-te tang tlanga buatsaih niin, R & D lam atangin Rev. L. Vanlalsanga Director leh Pu Lalrinawma, Coordinator ten an telpui a ni.
November 12, 2023 (Pathianni) chhun dar 12:15 khan Paalanaa Bhavan, Nandi Durga Road, Benson Town, Bangalore ah BCM Bengalore hawnna inkhawm neih a ni a. Inkhawm hi Rev. Dr. R. Zolawma’n kaihruaiin, General Secretary Rev. R. Lalbiakliana’n kohhran thar hi hawngin Rev. R. Lalrintluanga, Executive Secretary Aizawl in kohhran thar Pathian hnena hlanna a nei a. AGS (Service) Rev. R. Lalnunzira’n Pathiin thuchah sawiin, Tv. Jonathan Lianhna leh Nl. Lalnunmawii Renthlei ten zaia rawngbawlna an nei.
Ruihhlo ṭhatlohzia Inzirtirna chungchanga MṬKP hmalakna chu Unit leh Bial hrang hrangin theihtawp chhuaha an umzui bakah Sub-Committee lam pawhin hma an la zui zel a ni a. Hemi puala hmalakna pakhat atan Ruihhlo ṭhatlohzia Inzirtirna Film tur pawh Shooting neih mek a ni.
BCM Shalom, Mission Vengthlang te chuan Manipur buaina avanga harsatna tawk mek, zohnahthlakte tanpui nan kohhran commiittee chuan kohhran chhungah tanpuina bawm an dawh bakah thawmhnaw hlui thawh khawm hun an siam a. Kohhran member te sum an thawh tling khawm bakah kohhran relief sum atangin cheng Nuai khat (Rs 1,00,000) hman an remti bawk. Heng atang hian ei tur buhfai bag 50 leh Dal - Bag 1 lei a ni a, kohhran member te pek khawm Thawmhnaw - bag 60 an keng tel bawk.
November 4, 2023 (Inrinni) khan Baptist Mipa Pawl, Luangmual Pastor Bial, Aizawl te chuan BCM Biak In, Ainawn-ah Bial BMP Rorel an nei a. Rorel hi zing dar 10:00 an tanin nilengin hun an hmang a. Tun tum rorel-ah hian Unit hrang hrang atanga thu ngaihtuah tura an rawn thlen bakah Bial BMP term thar 2024-2026 atana hruaitu tur an thlang bawk.
November 6, 2023 (Thawhtanni) kha Baptist World Alliance- Hmeichhia te Tawngtai Ni (BWA Womens’ Day of Prayer) a ni a. He ni hi kum tinin November Thawhtanni hmasa berah hman thin a ni. Kumin BWA Hmeichhe Tawngtai Ni thupui atan hian “Nunna Thaw” (Joba 33:4) tih chu hman a ni. Mizoram Baptist Kohhran Hmeichhe Pawl (MBKHP) pawhin chawhma dar 10:00 atangin BKHP member ten mahni Unit theuhah Tawngtaina hun hi an hmang a ni.
November ni 5 (Pathinni chawhnu) khan Diltlang Pastor Bial chuan BCM Biak In, BCM Diltlang-ah Bial huap Sunday School Training leh Seminar an nei a. Resource Person-ah Upa R. Lalhmingmawi leh Upa C.Lalremsiama, Sunday School Trainer te an hmang. Training-ah hian Sunday School Zirtirtu 70 vel an kal khawm a ni. Pathianni zing leh Pathianni zanah te- Kohhran hrang hrangah hun hmangin Sunday School Campaign a nei nghal bawk
November ni 5, 2023 kha khawvel Sunday School Ni a ni a, he Ni hi Mizoram Baptist Kohhran chuan Pathianni zing inkhawm ah thupui thlansa “Pathian thu nung, thiltithei” (Heb. 4:12) hmangin urhsun takin hman a ni. Hemi ni hian Sunday School lamah pawh Khawvel Sunday School Ni puala zir tur buatsaih chu zir a ni bawk.
Rev. L. Rithanga hi Kristian chhungkua aţangin Kum 1937 March thla khan Bangladesh rama Kawrthindeng khua-ah apiang a, a pa hi Thanzama a ni a, Chawngthu hnam a ni. A nu hi Rochhungi ni a, a mah hi 5.3 ft a sang a ni. …
Upa C. Ngurhnema hi Pu Lianhranga (L) leh Pi Khuangbaii (L) fapa paruk zinga palina ni turin June 21, 1945 khan Leite-ah a lo pianga, an unau hi paruk niin, Unau mipa pali leh hmeichhia pahnih a nei a ni. …
January 11, 2026 hi Mizoram-a Missionary hmasa ber lo thlen champha phak, vawi 132-na, “Missionary Day” a ni a. Kumin Missionary day Thupui atan “Pathian thu lo hrilhtute che u chu hre reng ula” (Hebrai 13:7) tih hman a ni. He Ni hi ram pumah hman a nih theih nan Mizoram Sorkar chuan Sorkar chawlh (State Holiday) atan a puang ţhin a, kumin hi Pathiannni nimahsela Sorkar chawlh-ah puan a ni thova, Kohhran hrang hrang te’n Missionary Day pual hian Inrinniah ruai nen hun an hmang ang. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..
